城中熱話

大家都想成為復仇者聯盟的一員，成為超級英雄，救人也自救。 事實上，Marvel的路並非一帆風順，能走到現在如此成功，Marvel是自己的英雄。 Marvel從破產到如日中天——《復仇者聯盟3》在全球最高電影票房排名第四，《復仇者聯盟4》也想必將打破不少記錄——靠的不是超能力，而是決策人的遠見，助Marvel捕捉電影市場的潛力，透過翻拍將漫畫中的超級英雄拉到銀幕上，創造如今的輝煌。   破產 1939年，Marvel作為漫畫出版社在紐約創立，它的作品《蜘蛛人》《美國隊長》《X戰警》等等家喻戶曉，在1960年至1980年的漫畫銷售量非常可觀。 但到1980年代末，漫畫市場漸見萎縮，在題材氾濫﹑網路興起﹑漫畫市場萎縮等多重打擊下，紙本漫畫只能愈賣愈差。 1996年，Marvel更宣告破產。   賤賣電影版權 漫畫市場疲軟而電影產業興起，成為Marvel的轉捩點。大家都明白不可能再靠紙本漫畫銷售來維持盈利，那便要開拓新的方向，甚至作「開山牛」將英雄搬到銀幕中。 破產後，艾拉德（Avi Arad）上任，他被視作Marvel的救世主。他相信未來的電影技術與市場發展，會讓英雄電影紅遍大街小巷。 但資金是一大難題，Marvel只好有條件地販售電影版權給其他電影公司，如《蜘蛛俠》賣給Sony﹑《驚奇4超人》《X戰警》賣給20th Century Fox。這亦造成觀眾的困惑：蜘蛛俠是不是Marvel的角色？有沒有可能看到《復仇者聯盟》和《X戰警》的合併？ Marvel以700萬美金賤賣《蜘蛛俠》，結果Sony所拍的三部電影竟狂賣25億美金，Marvel只能拿到微薄的分紅，令他們十分懊悔。   踏入電影宇宙 2008年是Marvel的關鍵的一年。《鐵甲奇俠》大賣，Marvel從谷底翻身，成為他們踏入電影宇宙的第一步。 電影的成功中，到位的劇本﹑導演﹑選角缺一不可。艾拉德與監製凱文費吉（Kevin Feige）聯手合作，作出大膽決定，包含決定翻拍漫畫知名度不高的《鐵甲奇俠》﹑找來當年充斥吸毒等負面新聞的小勞勃道尼（Robert John Downey Jr.）作主演。Marvel為他提供翻身的機會，他也讓鐵甲奇俠活生生地出現在觀察眼前。 《鐵甲奇俠》票房大收，事實證明超級英雄的電影市場深具潛力，Marvel開始着手透過電影表達漫畫中恢宏的宇宙觀（Marvel Cinematic...

《復仇者聯盟4：終局之戰》（Avengers：Endgame）上映一日就打破香港史上開畫票房紀錄，截至琴日夜晚9點，票房已超過1,861萬元。連無追開Marvel電影嘅朋友都會討論一兩句，甚至為咗跟上潮流，追番未睇過嘅英雄電影。究竟點解Marvel超級英雄系列咁成功？以下為你揭曉。   英雄交纏的宏大宇宙觀 如果提起電影產業中嘅宇宙觀，相信大家會第一時間諗起Marvel嘅超級英雄系列。宇宙觀係Marvel成功嘅第一個要素。 Marvel由2008年嘅《鐵甲奇俠》開始，到最近嘅《復仇者聯盟4》，11年間總共出咗23套英雄電影，當中有超級英雄個人獨立電影；亦有一次過集合眾多人物，滿足觀眾「越多越抵」心理嘅Avengers系列。 幾乎每一部Marvel作品間都有關連，涵蓋好一段時間，各人物故事間嘅銜接息息相關。影迷不時探討Marvel嘅正確時間軸，再討論作品同角色間嘅關係。牽涉人物越嚟越多，Marvel宇宙亦日漸擴闊，Marvel塑造出一個觀眾會墜入去嘅超級英雄世界。   英雄與觀眾之間零距離 Marvel每年推出2至3套電影，一直保持話題度和新鮮感，令觀眾想一直追落去。例如2016年有《奇異博士》同《美國隊長 3：英雄內戰》；2017年有《雷神奇俠3：諸神黃昏》﹑《銀河守護隊 2》﹑《蜘蛛俠：強勢回歸》。 每個超級英雄平均有一至兩套獨立電影，核心英雄如美國隊長更有足足3套，足以令每個英雄都有血有肉，顯示佢哋個性係點：美國隊長謹慎﹑古板；鐵甲俠就玩世不恭﹑個性自卑而外象自傲。 觀眾有足夠時間了解角色嘅故事和成為英雄嘅動機，對每個英雄暸如指掌。即使觀眾唔係漫畫迷，都唔會對英雄感到生疏。如此一來，每個超級英雄建立起個人品牌，有佢哋各自嘅fans同目標客群。   彩蛋增添趣味 Marvel人物經過長時間嘅打造，觀眾大多對每個角色嘅存在價值﹑地位同彼此關係有一定了解。超級英雄係主角定配角，個別存在定一齊打鬥都唔奇怪。 英雄之間其實起互相支援嘅作用，片尾嘅彩蛋為每部電影增添趣味，更深係建立角色之間嘅關係，不同角色係《復仇者聯盟》碰面時，先唔會咁突兀。 同時彩蛋引起討論，一環扣一環，前一部戲會透露後一部戲嘅內容，增加戲迷「追戲」嘅欲望。好似《奇異博士》片尾彩蛋出現雷神飲啤酒情節，其實係為2017年尾上映嘅《雷神奇俠3：諸神黃昏》鋪路。 而《復仇者聯盟》系列可謂係Marvel最核心嘅產品。佢係票房保證，係市場上競爭力十足，串聯起所有超級英雄，畀佢哋聚首一堂，人氣想唔高都難。

兩大全球服裝企業「ZARA」和「H&M」是傳統快時尚的代表，快時尚來也匆匆﹑去也匆匆。雖緊貼潮流，款式多樣，適合男女老幼，但衣服質素參差，往往穿不過3季。 「ZARA」和「H&M」憑着快速擴張新店和大批量生產而發展蓬勃，但近年為應對市場環境的變化，紛紛迎合消費者，開始調整業務模式，不再只專注於擴張店舖，甚至提出了一年合計關閉400家店規模的計劃。旗下擁有ZARA等約7500家實體店鋪的Inditex，上年關店數達355家，今年則計劃關閉小型店鋪和商圈重疊的虧本店鋪等250家。事實上，員工數對企業造成壓力，實體店的成本支出遠遠大於網店。 據《日經中文網》報導，近年新興潮牌在市場上蔚為風氣。它們使用新型商業模式，透過社交媒體（SNS）開展市場營銷，贏得年輕一代的支持；同時建立起低成本的供應鏈，為消費者提供比「快時尚」更快更多的選擇。   服裝行業營運模式歷經數次轉變。此前，服裝供應鏈由許多企業參與其中，產品從縫紉工廠運到服裝企業，再經由百貨商場等零售店流向市場。隨後，美國的GAP﹑日本的UNIQLO﹑歐洲的ZARA採用SPA（自有品牌專業零售商經營模式），服裝企業建立品牌，從產品的企劃﹑生產﹑物流，再到銷售均一氣呵成，自己負責。這些企業將生產委託給低人工成本地區的工廠，開創「快時尚」局面，改變市場格局。 但網絡世界快速興起，最近網絡型SPA搶攻市場，企業不僅在生產和物流上靈活運用IT技術，在銷售方面也依託網絡來完成。不像ZARA般開設過千家的店鋪，卻仍然可以包攬全球生意。甚至能透過網絡來快速應對消費者的變化，通過大數據，精準分析消費者們的購買情況和口味，從而縮減庫存，推出消費者合意的產品。   以英國在線零售服裝品牌「Boohoo」為例，該公司於2006年設立，2017財年（截至2018年2月）的銷售額為5億7900萬英鎊（約合58.7億元港幣），是上財年的2倍。 為了不讓消費者感到厭倦，網站每天會上架200款以上的新商品。在其網站上，不時出現「設計很潮」﹑「客服回覆速度很快」等評論。在以往的服裝行業中，企業會預測潮流﹑設計商品﹑制定銷售計劃並大量生產，這會造成剩貨問題。Boohoo卻壓低首批商品的銷售和產量，上市後根據社交媒體來觀察消費者反應，再決定是否追加生產，因而減少成本及資源。 另外，主要銷售女裝的英國網路潮牌「Missguided」最近的銷售額達到2億1500萬英鎊，增加至4年前的約4倍。它們將生產基地建在主要市場附近以構建高效的供應鏈，產品從提案至銷售所需時間大大縮短，最短1星期左右即可。 網絡世界為各產業帶來衝擊。服裝企業想繼續生存，不被淘汰，就必須滿足消費者追求性價比及快捷的心態。   資料來源：日經中文網

美國《時代》雜誌公布2019年百大影響力人物，並以其中6人製作雜誌封面，包括美國眾議院議長佩洛西（Nancy Pelosi）﹑埃及足球球星沙拿（Mohamed Salah）﹑荷里活動作巨星「The Rock」狄維莊遜（Dwayne Johnson）﹑金球獎視后韓裔女演員吳珊卓（Sandra Oh）﹑美國歌手Taylor Swift及名主持人Gayle King。 《時代》百大影響力名單分為「先鋒」（pioneers）、「藝人」（artists）、「領袖」（leaders）、「偶像」（icons）、「泰斗」（titans）五個類別。 「先鋒」類別除了吳珊卓，還包括中國科學家賀建奎等。賀建奎去年宣稱通過基因編輯成功培育愛滋病免疫雙胞胎，當中牽涉醫學倫理的議題，引發全球爭議。 「藝人」類別除了狄維莊遜，還包括奧斯卡最佳男主角（Rami Malek）﹑男配角（Mahershala...

張五常生於英屬香港，是著名的經濟學家，美國加州大學經濟學博士，代表作有「佃農理論」，是現代新制度經濟學、現代產權經濟學的創始人之一。   他曾在30年前推斷上海的經濟將會超越香港。據報導，本月20日的「大灣區與深圳的未來論壇」中，張五常再次推斷，擁有東莞的深圳將會超越美國矽谷，有朝一天會成為整個地球的經濟中心。他明言今天深圳不僅超越了香港，也超越了整個台灣，兩年前他推斷十年後深圳一帶會超越美國的矽谷，現在仍然堅持這個判斷。   為何張五常推斷深圳會超越矽谷？他指出，是由於矽谷沒有一個像東莞水準的工業區。東莞的存在有決定性，深圳的科技企業像華為就擴張到東莞，帶動了東莞的發展。 「地理的形勢非常好當然是深圳發展得有看頭的一個重要因素。另一個可能更為重要的因素，是東莞就在隔壁。東莞不是一個普通的工業區，不是溫州那樣專於小商品，不是蘇州工業園那樣名牌滿佈，不是陽江那樣專於一兩項行業。東莞是無數種產品皆可製造，而且造得好，造得快，造得便宜。」 「論到行業的多元化與工作的互相發放的方便，東莞冠於地球應該沒有疑問。」矽谷沒有一個像東莞水平的工業區。不僅今天沒有，永遠也不會有。今天的深圳，因為有東莞與惠州的存在，在國際上競爭無疑是有着一個重要的甜頭。   他續指「粵港澳」的深圳將會是這灣區的龍頭。他解釋，國際經濟發展的中心歷來要靠一個灣區，舉世皆然。他又表示：「你們這一剎那站著的土地，就是這一點，分寸不差，有朝一日會成為整個地球的經濟中心。」 至於深圳的前海，他指出解除外匯管制是前海的前途。「因為設立前海是為搞一個國際金融中心，把人民幣推出國際。當然，沒有這樣的金融中心人民幣也可以推出去，但由北京的央行看著前海不僅有助，而且會有較大的作為。」   資料來源：新浪財經

香港的士司機有「十大罪狀」，拒載﹑兜路﹑黑面﹑叫乘客帶路﹑揀客同目的地等等，大家都怨聲載道，唔少人寧願搭Uber，又方便服務又好，美中不足在於冇保障。香港大學民意研究計劃發現有84%受訪者對Uber服務感滿意，而對的士服務感滿意嘅就得43%。 市場現況係咁，近日政府就提出想搞個專營的士，主要客路係消費力較高嘅乘客。個計劃唔止制衡Uber，仲嚇到班普通的士司機，引起傳統的士車行嘅一致反對。   政府想以試驗計劃形式批出三個專營權，引入合共六百架專營的士，收費貴過普通的士約五成，即起錶價大概36元。車身顏色建議劃一規定，可以定為黑色，但營辦商可以以合適嘅方式，加番公司標記。政府會在專營權條款清晰訂明服務標準和水平。如果營辦商未能達到，政府可對營辦商施加罰則，甚至撤銷專營權。 第一個疑問係：本來畀的士錢就包埋司機服務，最應該係培訓好本身班普通的士司機，政府搞多舊嘢係「斬腳趾避沙蟲」，仲夠膽死收貴啲。我係普通的士司機會大條道理諗：扯！我服務好又無多啲錢收，繼續黑你面先。 另外，專營的士服務好啲都咁話，正常嚟講，咁貴搵鬼搭咩？又唔係有錢冇埞使。消費力較高人士都有自己車，唔會下下靠專營的士。   再睇落去，為咗行車安全同改善車輛外觀，限定專營的士車齡同專營權最高五年。另外，營辦商最少五成車輛可供輪椅上落，營辦商亦必須要提供召喚服務嘅手機應用程式。專營權不可轉讓同不能續期，屆滿後營辦商必須重新競投。 第二個疑問出嚟喇：嘩，咁嘅條件營辦商都難搞，啲車用五年就唔用得，又分分鐘投資完政府收番專營權，隨時虧本，專營的士有冇人入場搞呢？ 而手機應用程式呢樣嘢同Uber嘅概念咁相似，專營的士似係合法化同貴價版嘅Uber。咁又見到政府喺到逃避：當世界其他地區都制訂針對網絡call車服務嘅規管機制時，香港面對Uber呢啲創新科技嘅時候就採取迴避政策，由得個灰色地帶存在，唔發牌又唔理保險問題。   業界人士就認為，計劃撼動咗傳統的士行業嘅營運模式，令擁有的士牌照嘅車行同車主憂慮專營的士會搶走普通的士嘅乘客，造成司機收入下降，面臨減車租壓力，引致牌價下跌。「忠誠」的士車行助理董事鄭敏怡指：「政府淨係話我哋做得唔好，即時性地唾棄業界，推出而家嘅『優質的士專營權』計劃。係政府嚟同我哋爭﹑衝擊我哋。」   資料來源：綜合報導

「安心偷食」事件鬧到滿城風雨，最大贏家反而係壹傳媒。琴日（16日）爆完「安心偷食」事件，「蘋果」就錄得200萬人訂閱，人人登記做免費會員好跟貼成件事。呢個可以話係「蘋果」一個里程碑，為佢日後嘅收費訂閱制鋪路。   4月頭「蘋果日報」開始會員免費訂閱制，讀者要登記做訂戶，先可以免費睇「蘋果動新聞」同網上足本內容。呢一舉措，好明顯係為先儲好一批目標讀者，待下一步開展收費訂閱制。   傳統印刷報業衰落，呢個係不爭事實，而家仲有幾多人真係落街畀錢去買份報紙？以前媒體收入主要靠廣告，但而家喺報紙落廣告嘅廣告商越嚟越少，網上廣告嗰塊收入好多都唔入佢哋袋，反而被社交媒體食得七七八八，免費媒體單靠廣告難以生存。 自從網上世界興起，報業生態被徹底扭轉，人人都可以係記者，資訊周街都係，大家都唔覺得自己要為內容付費。「扯！你呢間要畀錢，唔睇你咪睇第二間囉。」而為咗迎合觀眾，唔少媒體都係內容農場同標題黨，大家都搏命追流量。搞深度內容嘅媒體，用嘅人力物力多，但流量往往唔及乜乜「偷食斷正」﹑「震驚七百萬人」，真係食力不討好。傳統媒體要諗點轉型，新媒體就諗點站穩陣腳。   回到「蘋果」，「蘋果」網上社交媒體係做得比較好，每日錄得超過4,500萬次點擊同200幾萬Facebook粉絲，但都係連年虧蝕。無論係廣告收費，定賣報紙嘅收入都不斷下降。睇番壹傳媒年報，「蘋果」印刷業務方面，17／18年度廣告收益較去年同期大跌 40.5%。「蘋果」已經唔可以靠廣告嚟營生，走向收費訂閱制都無可避免。 「蘋果」免費訂閱時，有唔少人嘈覺得「冇晒私隱」又嫌麻煩。而家「安心偷食」一出，大家咪又係即刻登記。八卦嘅心理大家都有，有時爆料推一推好過花唇舌解釋一餐。 但問題在於下一步：你會唔會畀錢睇「蘋果」？ 理念上嚟睇，可以畀嚟支持下，畢竟真相唔係個個傳媒夠膽講，畀錢支持都係對抗霸權惡政﹑守護公義嘅一種方法。 內容上嚟睇，未必想畀。好似「安心偷食」咁嘅獨家震撼新聞唔係時時有，就算有，網絡咁流通，呢啲花邊新聞照樣可以喺其他媒體睇到，香港人不嬲好精。 「蘋果」係內容上一向行即時新聞﹑即食娛樂化短片「動新聞」嘅路線。比起報深度內容嘅《端傳媒》﹑《紐約日報》，你會想畀錢睇邊個多啲？會唔會覺得「蘋果」內容膚淺，份錢唔抵畀？ 但「蘋果」只可以頂硬上，為咗唔食谷種，收費訂閱制係冇辦法中嘅辦法。

近排「996工作制」被推上風口浪尖，引起中國內地社會熱烈討論，唔少互聯網巨頭，如中國電商巨頭劉強東、馬雲等人紛紛對996工作制作出回應，佢哋嘅看法頗具爭議性。 「996工作制」其實係指一種違反中國勞動法規定嘅工作模式。朝9晚9，中午休息1小時（或不到），每週工作6天（即「996」）。內地互聯網企業競爭激烈，要求員工長期超時工作。   事緣有內地互聯網程式員喺網上建立一個叫「996.icu」嘅平台，996.icu等於：繼續以996工作制生活，最後就會被送到加護病房（ICU）。程序員控訴公司強制推行996工作制，指996有違標準工時亦好唔人道。「996.icu」仲揭露出行緊996工作制嘅公司，包括華為、阿里巴巴、京東、蘇寧等，呢份名單亦被叫做「996公司名單」，引來唔少網民留言聲討。 由於網絡論戰越嚟越烈，阿里巴巴創始人馬雲、京東創始人劉強東、噹噹網創始人李國慶等網絡巨頭就相繼表態。   當中馬雲嘅言論引起軒然大波，佢直言「如果你年輕的時候不996，你什麼時候可以996？你一輩子沒有996，你覺得你就很驕傲了？」佢甚至話，今日中國BAT（百度、阿里、騰訊）呢啲公司做到996，係「我們這些人修來的福報」。講到咁梗係辣㷫一班打工仔。 馬雲其後在微博上表示，任何公司都唔應該，亦唔可以強制員工996。話鋒一轉，又自辯稱，「真正的996不是簡單的加班，不是單調的體力活，和被剝削沒有關係。而應該是花時間在學習、思考和自我的提升上」。而大部分成功或有追求嘅藝術家、科學家、政治家基本上都係996以上嘅。咁係因為佢哋熱愛自己選擇嘅事業，佢哋為此付出超常嘅奮鬥，先得到常人冇嘅「成功」。 喺佢呢篇文章下，有網友留言，「還是那句話，付出要有回報，只談奮鬥不談回報，這是典型的剝削言論。」另有網友話，「偷換概念了喲，為事業奮鬥的科學家，和為企業主的事業奮鬥的普通員工，非要畫等號嗎」。 上星期日（14日）馬雲再次針對996發表觀點，佢再一次為996工作制辯護，喺自己一篇博客文章中對相關言論進行補充。 「前幾天我在公司內部關於『996』的觀點，引起熱議，批評聲也是源源不斷，和我預期的一樣，」馬雲寫道。「我很理解這些看法，其實我完全可以說一些『正確的話』。但今天的社會不缺正確的話，我們缺的是實話、真話、讓人思考的話。」   資料來源：hk01

你可能遇過咁嘅情況：聚會上識咗勁人，活動中一路有講有笑，佢似乎成為咗你朋友之一。但拎完電話，散band之後，你哋之間就再冇交習；又或者你冒昧搵佢幫手，佢冷淡回覆「有啲忙，之後再傾」。成日話「人脈」，人脈究竟係咩？   美國人際關係大師卡耐基經過長期研究得出結論：「專業知識在一個人成功中的作用只佔15%，其餘的85%取決於人際關係。學會處理人際關係，擁有豐厚的人脈資源，你在成功路上走了85%的路程，在通往個人幸福的路上走了99%的路程了。」 人脈資源係一種潛在嘅資產，佢同錢一樣，都需要管理﹑儲蓄同增值。而家已經唔係單打獨鬥嘅年代，所有行業都仰賴人際關係，經唔經營好人脈會決定你嘅事業高度。 好多人以為喺公司做嘢，最大收穫係賺到幾多錢，積累到幾多經驗；錯晒！最重要應該係你識到幾多人同朋友，積累到幾多人脈資源。人脈不單止對你做打工仔時有用，你離開公司，創業做老闆時更需要呢樣資產。 財富嘅積累最初係靠本事賺番嚟，然後靠資本錢滾錢，最高層次靠資源嘅整合同人脈嘅經營。   有人脈當然好，但唔係每一個聯絡人都係有效人脈。你提供唔到價值畀人，憑咩要勁人帶挈你？同你有親呀？所以有個迷思係「我識得夠多人就得」，呢樣完全錯晒。你話自己有馬雲電話，佢幫唔幫你先？ 人脈玩緊嘅係價值交換，睇你個人價值有幾大。你能夠識到邊個，取決於你對周邊人嘅價值幾高。與其費盡心思去結交人脈，不如先搞清楚自己價值，專心做可以提升自己嘅事，成為一個值得交往嘅人。 專注做好自己嘅事比任何事重要，人脈唔喺其他人身上，而喺自己身上：只有當你幫到越來越多勁人，你嘅人脈先會越嚟越廣，品質亦會越嚟越高。   兩個人嘅行業位置或知識處於一致嘅情況下，先可能傾得埋欄，達成深入合作。假設你咩都冇咁走去同馬雲傾偈，機會係好難得，但你畀唔到貨，只好講下「啲buffet幾好食喎」。 原則都適用於跨行業交流，好多娛樂圈明星都有商人好友。只要你喺某個行業做到咗一定高度， 行業間嘅人脈圈就已經打開。唔好試圖去識勁人，自己做得好勁人自然想識你，亦只有係勁人自己想識你，咁先叫人脈。   股票有「潛力股」，人脈都一樣。人脈間嘅互助好重要，不嬲都係你幫下我我幫下你。投資同我們程度差唔多嘅人，建立一種平等互助嘅關係。另外，多啲帶挈有潛力同能力﹑只係暫時差啲機會嘅人，幫咗人人會記得。就好似逢低買潛力股，呢類股票先係真正令人賺大錢。   資料來源：Top Sales

都市人壓力咁大，成日OT，Burnout隨時發生。可能都聽唔少身邊人話自己「Burnout」，burnout 即工作倦怠或過勞，覺得壓力已經滲透到生活每一個角落，身心俱疲，日日行屍走肉。 Burnout係一種慢性壓力，身體長期面對壓力源而產生嘅神經同生理上變化，由生活中大大小小事件累積而來。一開始唔覺，慢慢累積後負面情緒越嚟越強。咁嘅情況唔係單純捱過一兩個project﹑頂硬上就可以，唔係「攰」咁簡單，長此下去身體會被壓垮。法國、丹麥及瑞典等國已承認burnout綜合症，患者可以請病假。   美國有調查發現，95%人力資源領袖指burnout令職場留唔住人，這通常歸咎於過重嘅工作量同管理不善。老闆都要留意番自己打工仔會否太大壓力，burnout時工作效率較低，工時長又如何？   即刻睇睇burnout迹象： 工作表現大跌，專注力同效率越嚟越低 情感衰竭，感覺麻木，做其他活動都提唔起勁 遠離屋企人同朋友，唔想同人接觸 經常感冒﹑生病或失眠 以酗酒或網購等不健康方式減壓   點樣救番燒到盡晒嘅自己？ 正面嘅社交聯誼係最好嘅，加上運動﹑個人愛好同睡眠 設定自己收班後使用電子設備嘅時間，盡量返工先check...