城中熱話

你可能遇過咁嘅情況：聚會上識咗勁人，活動中一路有講有笑，佢似乎成為咗你朋友之一。但拎完電話，散band之後，你哋之間就再冇交習；又或者你冒昧搵佢幫手，佢冷淡回覆「有啲忙，之後再傾」。成日話「人脈」，人脈究竟係咩？   美國人際關係大師卡耐基經過長期研究得出結論：「專業知識在一個人成功中的作用只佔15%，其餘的85%取決於人際關係。學會處理人際關係，擁有豐厚的人脈資源，你在成功路上走了85%的路程，在通往個人幸福的路上走了99%的路程了。」 人脈資源係一種潛在嘅資產，佢同錢一樣，都需要管理﹑儲蓄同增值。而家已經唔係單打獨鬥嘅年代，所有行業都仰賴人際關係，經唔經營好人脈會決定你嘅事業高度。 好多人以為喺公司做嘢，最大收穫係賺到幾多錢，積累到幾多經驗；錯晒！最重要應該係你識到幾多人同朋友，積累到幾多人脈資源。人脈不單止對你做打工仔時有用，你離開公司，創業做老闆時更需要呢樣資產。 財富嘅積累最初係靠本事賺番嚟，然後靠資本錢滾錢，最高層次靠資源嘅整合同人脈嘅經營。   有人脈當然好，但唔係每一個聯絡人都係有效人脈。你提供唔到價值畀人，憑咩要勁人帶挈你？同你有親呀？所以有個迷思係「我識得夠多人就得」，呢樣完全錯晒。你話自己有馬雲電話，佢幫唔幫你先？ 人脈玩緊嘅係價值交換，睇你個人價值有幾大。你能夠識到邊個，取決於你對周邊人嘅價值幾高。與其費盡心思去結交人脈，不如先搞清楚自己價值，專心做可以提升自己嘅事，成為一個值得交往嘅人。 專注做好自己嘅事比任何事重要，人脈唔喺其他人身上，而喺自己身上：只有當你幫到越來越多勁人，你嘅人脈先會越嚟越廣，品質亦會越嚟越高。   兩個人嘅行業位置或知識處於一致嘅情況下，先可能傾得埋欄，達成深入合作。假設你咩都冇咁走去同馬雲傾偈，機會係好難得，但你畀唔到貨，只好講下「啲buffet幾好食喎」。 原則都適用於跨行業交流，好多娛樂圈明星都有商人好友。只要你喺某個行業做到咗一定高度， 行業間嘅人脈圈就已經打開。唔好試圖去識勁人，自己做得好勁人自然想識你，亦只有係勁人自己想識你，咁先叫人脈。   股票有「潛力股」，人脈都一樣。人脈間嘅互助好重要，不嬲都係你幫下我我幫下你。投資同我們程度差唔多嘅人，建立一種平等互助嘅關係。另外，多啲帶挈有潛力同能力﹑只係暫時差啲機會嘅人，幫咗人人會記得。就好似逢低買潛力股，呢類股票先係真正令人賺大錢。   資料來源：Top Sales

都市人壓力咁大，成日OT，Burnout隨時發生。可能都聽唔少身邊人話自己「Burnout」，burnout 即工作倦怠或過勞，覺得壓力已經滲透到生活每一個角落，身心俱疲，日日行屍走肉。 Burnout係一種慢性壓力，身體長期面對壓力源而產生嘅神經同生理上變化，由生活中大大小小事件累積而來。一開始唔覺，慢慢累積後負面情緒越嚟越強。咁嘅情況唔係單純捱過一兩個project﹑頂硬上就可以，唔係「攰」咁簡單，長此下去身體會被壓垮。法國、丹麥及瑞典等國已承認burnout綜合症，患者可以請病假。   美國有調查發現，95%人力資源領袖指burnout令職場留唔住人，這通常歸咎於過重嘅工作量同管理不善。老闆都要留意番自己打工仔會否太大壓力，burnout時工作效率較低，工時長又如何？   即刻睇睇burnout迹象： 工作表現大跌，專注力同效率越嚟越低 情感衰竭，感覺麻木，做其他活動都提唔起勁 遠離屋企人同朋友，唔想同人接觸 經常感冒﹑生病或失眠 以酗酒或網購等不健康方式減壓   點樣救番燒到盡晒嘅自己？ 正面嘅社交聯誼係最好嘅，加上運動﹑個人愛好同睡眠 設定自己收班後使用電子設備嘅時間，盡量返工先check email 工作期間有規律地安排休息時間 如果無法休假，時常反思工作對自己嘅意義。如果覺得工作嘅一切都消磨緊你能量，係時候嚟個休假或轉工   資料來源：CUP

如何接近無風險有9厘年回報？ 其實唔係咩高深野，其實就係Premium Financing。早幾日同朋友講開先知原來好多人唔知有D咁嘅野，所以想分享下呢D另類投資，但上一次係網上提過下，咩都未講已經有人留言插我大大力推保險。為免被人誤會我Sell保險或Sell銀行，文章會刪去保險公司名、Product名同銀行名。 呢個Premium financing原理係用一份保證4.38%回報嘅保本保單做6.4倍摃桿(槓桿利息2.125%)，去賺息差約2.255%。係入場版情況，因最少要loan 1M HKD，有需要自己倍大。如果息口無變，大約5年66%回報。內在回報率(IRR) 9.14%。 A銀行做法係咁。先買約HKD 1.186M保本保單，之後佢再loan返HKD 1M比你，變相只係比o左HKD$18.6萬，之後月供HKD$1784摃桿利息 (5年共HKD$10.7萬)。5年零1日可收回HKD$41.6萬，扣除本金同利息，5年盈利共HKD$12.3萬。內在回報率(IRR) 9.14%。 如果無咁多現金full pay呢？B銀行有另一個只比首期版。今次比HKD$18.6萬就得，B銀行loan 1M HKD比你，再去買約HKD 1.186M保本保單，利息高小小P-2.7%(即2.425%)，月供HKD$2033摃桿利息 (5年共HKD$12.2萬)。5年零1日可收回HKD$41.6萬，扣除本金同利息，5年盈利共HKD$10.8萬。內在回報率(IRR) 8% 。另外，你借幾多loan，借果一刻要證明到你有相應嘅流動資產 (包括：現金、股票、債券、基金、外匯…等)，銀行先會借loan比你，要show到銀行、證券行月結單。所以投資門檻係要有1M HKD流動資產。 A同B銀行就各有優缺。以買樓角度睇，A銀行要先full pay 層樓再做按揭84.5%，按息平啲2.125%；B銀行就比首期15.5%得喇，但按息就貴啲，2.425%。我自己就两樣都做，拉平各自嘅優缺點。 風險方面，第一，中途退保係有罰款。第一年退保罰5%，第二年4%，如此類推，要到5年零1日退保先會無罰款，罰款會令你蝕錢或食左大部份盈利。另外，佢係一個負現金流投資，每月都要比利息，但無回報。所以做呢個投資要預左長期作戰，做足5年零1日先會大賺。 第二，加P。如果P加2%以上果刻開始基本上賺唔到息差了。如果頭兩三年P無大加，由於賺左兩三年，輸錢嘅機會微。而家市場共識係美國加息週期已完結，明年下半年開始減息。是耶非耶？請自行分析了。另外，留意美國減息唔等於香港減息，而如果香港息口加得好勁，亦可考慮還返D loan，A銀行無罰息期，B銀行有。 其他風險我諗到有匯率風險同保險公司5年內倒閉風險。5年內聯匯脫鉤同大保險公司執笠，機會大唔大？都係要自行分析了。 數字盡量準確，但難保同實際情況有少許出入。 PS: 內在回報率(IRR)係咩？呢個我覺得係呢類投資比較準嘅回報率，佢係已經計左每月不斷投入、增加成本後嘅回報。 詳細可參考呢個網：https://www.investopedia.com/terms/i/irr.asp 免責聲明：本專頁一切言論並不構成邀約、招攬、誘使，或任何不論種類或形式之申述或訂立任何建議及推薦，讀者需運用個人獨立思考能力自行作出決定。

北京字節跳動科技有限公司和唱片公司達成的授權協議將於本月晚些時候陸續到期，因此可能很快面臨困境。字節跳動出品的APP TikTok和抖音允許用戶在自制的視頻中添加音樂片段，當中的音樂版權掌握在3大音樂公司，環球音樂集團、索尼音樂娛樂以及時代華納音樂集團。 知情人士稱，這些授權協議最早將在未來兩周內到期，字節跳動與三家音樂公司在具體的交易條款上仍存在很大分歧，如果無法續簽協議，字節跳動很可能需要從應用中刪除數十億項的視頻內容。 抖音在2018年全球每日活躍用戶突破5億，它的海外版APP「Tik Tok」則蟬聯許多國家APP Store下載榜單的第一名，佔據短視頻平台的龍頭位置。抖音用戶在15秒內，拍下音樂舞蹈、冷笑話、動物等生活化的內容，要突出自己便要有足夠創意和賣點。 抖音的成功，在於成功形成人們新的行為模式，讓用戶上癮，把抖音塞進人們有限的時間內。抖音完全符合現今人們的網路使用習慣。時間碎片化，生活不易，我們尋開心，追求有趣即時的短內容，15秒的短視頻正好填補大家的空檔。   新的行為習慣 抖音在使用設計上，每個時刻都為用戶帶來強烈的情感體驗，包攬了「有目標（意願）﹑行為簡單﹑快速回饋」這3個行為設計學的基本步驟，用戶因而建立刷抖音的習慣。 首先它的頁面設計非常簡單，連小學生都會用，而一打開應用就是正在動的全屏15 秒短視頻，視頻自動播放，讓用戶馬上沈浸其中。接着手指往上滑動，刷出接下來的抖音視頻，而這個動作成本門檻極低，滑幾下總會出現自己喜歡的短視頻，又想着不過15 秒，結果看着看着根本停不下來。 有趣短視頻出現，它的內容刺激大腦分泌讓我們感到快樂的多巴胺。這是一個正向回饋，我們會認為短視頻是因為「手指滑動」而得到的獎勵。這些簡單的動作及情緒起伏一直循環，「有目標﹑行為簡單﹑快速回饋」形成了用戶的行為習慣。   創造潮流的能力 抖音滿足當代人「跟上潮流」與「做自己」的時代心理需求。抖音是潮流之最，引起及炒紅過不少話題，如小豬佩奇﹑海草舞﹑海底撈等等，不刷抖音就失去了談資。抖音捧出來的網紅更不在話下，抖音紅人的影響力，已絲毫不輸大牌明星，粉絲甚至更多。以中國內地的抖音網紅為例，代古拉K憑藉一支舞蹈視頻，十天粉絲破500萬，三個月後粉絲已近2000萬；能歌擅舞的張欣堯光拍抖音，一年就有千萬粉絲。   高參與度 抖音目標和實際用戶多是24歲以下的年輕人，願意付出的金錢成本較30歲以上年齡層為低。而抖音制作內容成本極低，只需一部手機便可拍攝隨時爆紅的視頻。拍攝過程亦非常方便，功能選擇多元，滿足大家愛新鮮的心理，可以選擇濾鏡﹑美顏等，還可以自主調節拍攝速度。快慢速度調整和分段拍攝是抖音最大的特點。不同的拍攝節奏所展現出的效果會截然不同，而分段拍攝的功能能令場景轉場，彈性極大，吸引用戶參與其中，親身拍片﹑點讚﹑分享，難以抗拒當中的互動。 資料來源：財華社﹑Medium

自由工作者（Self-employed / freelancer）指嘅係唔隸屬於任何組織或公司嘅人，靠腦力或勞動嚟提供服務嘅自僱人士。「你睇人好，人哋睇你好。」唔少人覺得Freelancer生活輕鬆，可以自己控制時間同工作內容，瞓到自然醒，唔駛點做同時又搵更多錢。呢啲發夢諗下好啦，做之前不如睇清Freelancer嘅真實生活同風險。   收入不穩定 做Freelancer朝不保夕，工作量未必穩定。冇年終假期、冇病假、冇公積金、冇獎金、每個月嘅人工按你工作量而定，多勞多得。有時遇着拖數公司，有時可能一個月都接唔到任何job，冇病冇痛都話咬緊牙關捱下，如果咁啱遇着啲咩，需要財務上嘅緩衝，就真係唔知點算。   權益欠保障 合約糾紛﹑被老闆壓榨同壓價係常有嘅事。周不時出現做完唔畀錢，追糧時又遇上「判上判」無從追數嘅情況。當然亦無辦法向銀行申請貸款，被人拖數時只可以向小額錢債審裁處提告，但效果通常唔算不理想。唔少人冇簽合約，做Freelance接近完全冇保障，香港冇集體談判權，又冇咩Freelancer工會，Freelancer處於不利處境。 另一方面係意外責任。市面少見以Freelancer為對象嘅保險，萬一自己或參與項目嘅人士發生意外，將難以獲得保障。諗下做Uber同Deliveroo嘅自僱人士，有咩事責任都係個司機到，僱主同企業將啲責任撇除晒。   Freelance工作求過於供 求職招聘平台HKESE創辦人Ming就指出，香港僱主比較保守，願意請freelance嘅職位唔多。而家該平台共有約一萬份工作，當中只有唔夠一成係自由工作，主要係設計、網站及程式開發、文案作者、翻譯等有關IT同文字嘅工。Ming認為香港僱主比較保守，傾向請長工為主。   自由中嘅「不自由」 做freelancer比返全職更需要嚴格自律。接咗job後，無論私底下花幾多時間都要準時交貨，佢哋背後嘅「艱辛」同「不自由」成日畀人忽視。Freelancer都有時間嘅限制，需要係固定時間內完成工作；仲可能隨時接新job，計劃成日跟唔上變化，時間要跟住工作而變動，分分鐘比全職時工作量仲大。 都市人成日話自己有拖延症，自律性對Freelancer嚟講非常重要。冇上司督促之下你可唔可以良好地自我管理時間，係冇office嘅情況下仍然保持專注工作嘅心？   但講咁多衰嘢，都係想你睇清Freelance嘅性質，再諗下當中嘅可行性。如果你有以下成為Freelancer嘅條件，去馬啦朋友： 搵到自己真正感興趣且能帶來收入嘅方向 喺某一領域有一定嘅技能﹑經驗同人脈積累 儲夠能維持你至少一年吃喝不愁嘅資金 心理建設：承擔失敗嘅心理成熟能力同自律性  

4月1日係自願醫保全面推行嘅日子。自願醫保由政府監管，又保到100歲，聽落實無死。但以下4樣嘢係你必須留意嘅。轉唔轉保？自願醫保包啲咩？抵唔抵玩？你有幾認識「自願醫保」？買自願醫保前要「停一停、諗一諗」。 患病紀錄 首先喺自願醫保入面，保險公司仍然可以拒絕承保高風險人士，高風險人士未能保證受保。如果受保人本身有病歷，再去買自願醫保，都係需要經過正常嘅核保程序，結果可能係不受保﹑要加附加保費或不保事項先受保。 另外要特別留意，就算轉投自願醫保，受保人都可能要重新核保。如果受保人曾經患上嚴重疾病，自願醫保都未必肯保障原有疾病。相反，如果係受保期間確診，同一份保單會繼續承保該症。係呢種情況下，受保人轉自願醫保，重新「核保」就唔抵玩。 不過，轉新保單唔一定要核保。自願醫保計劃列明，市民喺登記參與自願醫保後，保險公司須提供一次機會畀現有投保人選擇將現有保單轉移至認可產品。若果投保人將現有保單轉移至同一公司嘅自願醫保產品，就有可能唔需要重新核保。   扣稅優惠 自願醫保其中一個吸引之處，係有得扣稅，每名受保人會有8,000蚊扣稅額。但扣稅同退稅好唔同，實際可以慳嘅稅款係「以 $8,000為上限 x 邊際稅率」。對於只需要按 2%稅率繳付稅款嘅低收入人士，買價值2,000蚊嘅自願醫保保單，所得稅務扣減金額可能得40蚊。 不過，申請稅務扣減嘅受養人數不設上限，唔止可以幫自己嘅醫保保費扣稅，仲可以幫自己配偶﹑子女﹑父母等嘅醫保保費扣稅，實際慳到嘅稅款又多咗。   醫療保障額 「標準計劃夠唔夠做」都係另一個我哋要諗嘅地方。自願醫保嘅「標準計劃」保額可能太低，我哋要比較埋「靈活計劃」下嘅醫保產品。 「標準計劃」不設「額外醫療保障」，遇到重大疾病或手術，使費突咗，投保人就要自己另外揞荷包。根據官方資料，標準計劃承保項目只得好基本嘅保障額，保額有機會唔夠畀晒全部費用。以白內障手術為例，手術屬於「中型手術」，一般私院或私家診所收費介乎20,000至40,000蚊，但標準計劃下嘅保單賠償限額只有12,000蚊，剩低款項要自己畀埋。   「未知的已有病症」 自願醫保另一個賣點係承保「未知的已有病症」，只要患上嘅疾病病徵屬於「不察覺亦理應不察覺」，無論係機能退化定先天性疾病，就算患病時間發生喺簽保單﹑購買自願醫保前，亦可獲賠償。傳統醫保計劃，則係投保前未知嘅已存在疾病唔會獲任何賠償。不過「不察覺亦理應不察覺」該如何詮釋？難以確切定義病徵係咪「理應不察覺」，claim錢時或會引起爭拗。 而且要留意番，確診患病嘅第一年不獲賠償，之後償款逐年遞增，投保4年後先可以獲100%全面保障。   資料來源：政府﹑mythfocus

根據LinkedIn嘅一項新研究，超過一半嘅中國頂級公司都係以互聯網同技術服務為核心業務。同時LinkedIn發現，2019年中國最具吸引力嘅公司排名裏面，科技公司喺前25位嘅公司中佔據咗15個，突顯出IT產業同IT市場係中國嘅迅速發展。 中國最具吸引力公司排名係根據LinkedIn喺中國4000多萬用戶嘅反饋數據統計而來。該研究著眼於四大因素，分別係非僱員對公司嘅興趣、與員工嘅接觸、工作需求同員工留與失。   而根據LinkedIn嘅數據，截至2018年2月1日，公司必須擁有至少500名員工，並且喺接下來嘅12個月內表現出平穩嘅員工增長。此外，LinkedIn亦有喺澳洲、巴西、加拿大、法國、德國、印度、日本、墨西哥、英國及美國作同類調查。   喺中國工作嘅十大最佳公司： 第十位，美團 – 滇平 行業：互聯網 第九位，華為技術 所屬行業：電訊 第八位，亞馬遜 行業：互聯網 第七位，滴滴（DIDI） 行業：互聯網 第六位，特斯拉（TESLA） 行業：汽車 第五位，NIO 行業：汽車 第四位，FOSUN（復星） 行業：投資管理 第三位，字節跳動（BYTEDANCE） 行業：互聯網 第二，百度 行業：互聯網 第一，阿里巴巴集團 行業：信息技術和服務   我哋可以睇番喺美國工作嘅十大最佳公司，就會發現同中國情況一樣，幾乎所有受歡迎嘅都係科技公司，呢個結果其實唔出人意表。近年科技發展迅速，資訊科技成為最有前景行業之一。 第十位，Dell Technologies 所屬行業：信息技術和服務 第九位，Oracle 行業：信息技術和服務 第八位，Airbnb 行業：互聯網 第七位，Apple 行業：電子器材 第六位，Uber 行業：互聯網 第五位，Deloitte 行業：管理及諮詢服務 第四位，Salesforce 行業：信息技術和服務 第三位，亞馬遜（Amazon） 行業：互聯網 第二，Facebook 行業：互聯網 第一，Alphabet（Google 母公司） 行業：互聯網   科技日新月異，逐漸改變世界，不斷對相關人才出現新嘅需求。而家每間企業或多或少都需要資訊科技，手機應用程式（App）﹑雲端服務﹑大數據﹑人工智能﹑物聯網等等。 國際人事顧問公司Adecco發表嘅《2019年大中華薪資指南》顯示，資訊科技業求才若渴，去年加薪幅度達6.2%，係8個行業中最高，業務及行銷同會計、財務及金融業緊隨其後。有時揀啱符合大環境嘅行業都咪話唔重要，食住個勢易上位好多。   資料來源： cnbc﹑linkedin

自願醫保（VHIS）當中嘅醫保即係個人住院保險，計劃旨在透過規範自願醫保下的住院保險，為市民提供自願參與、保障全面同新嘅的保險產品，鼓勵更多香港人選擇喺私家醫院接受醫療服務。 政府制定了自願醫保計劃嘅10大最低要求嘅條款及保障。標準計劃必須採用劃一嘅條款及保障，保險公司只可以作極少量允許嘅輕微改動，故不同保險公司提供嘅標準計劃大致相同，保障內容大同小異。食衞局批核了各大保險公司嘅自願醫保產品後，會給予每項產品一個認可編號，只要見到產品有呢個編號，就分辨到產品唔係一般醫療保險產品。 政府係2019年3月29日公布共有25間保險公司嘅保險產品獲批參與自願醫保計劃。目前，共有24個「標準計劃」及13個「靈活計劃」嘅自願醫保產品於市場供市民選購。 整體每年平均保費4,000元，以20至24歲投保的保費最平，平均約2,000元。   自願醫保嘅2種計劃 標準計劃 標準化嘅基本保障 靈活計劃 在「標準計劃」嘅基礎上，提供具彈性嘅額外保障及保額，設計成「靈活計劃」，保費當然也比「標準計劃」貴 額外保障例如眼科護理﹑牙科護理﹑家居看護嘅費用等等   標準計劃及靈活計劃必須符合嘅10大要求： 1 保證續保至100歲 唔會因保單生效後健康狀況變化而改變 2 不設「終身保障限額」 直至100歲保障不會終止（獲食衞局特別許可除外） 3 保費具透明度 投保人可透過網站査閲所有認可產品的保費表 4 投保人可享21日冷靜期 期間可取消保單、並全數取回已付保費。 5 承保未知的投保前已有病症 保單生效首3年等候期，第1年不賠、第2年賠25%、第3年賠50%，第4年開始提供100%賠償 6 承保8歲後先天性疾病的檢測及治療 償款安排與投保時未知的已有疾病相同。 7 承保日間手術 包括在非住院（例如診所或醫院日間診療中心）進行的外科手術（包括內窺鏡）。 8 承保訂明診斷成像檢測﹑非手術癌症治療﹑精神科治療 除了成像檢測外，不要求投保人分擔費用（成像檢測則投保人須分擔30%的共同保險費用。） 9 投保人可知初步賠償金額 保險公司須按醫院／醫生提供的醫療支出預算，提供初步賠償估算 10 保障額與市場接軌 每個賠償項目提供與市場接軌的保障額，如小型手術，最高賠償為$5,000 ＊但有兩項要求係政府未爭取到：（Ｉ）設立「高風險池」（ＩＩ）「必定承保」   自願醫保計劃同一般醫療保險，有咩分別？ 自願醫保 現有市場上的醫療保險 保障範圍 沒有終身保障限額 包括一般醫保未必承保嘅項目，如未知的投保前已有病症，以及在門診進行嘅磁力共振、電腦掃描等 一般設有終身保障限額 最高賠償限額 1.       以每保單年度計算（就算今年用完賠償限額，下一年度限額會重設，可以繼續獲得賠償） 1.       通常以每次傷病或每次每住院計算（如果經過多次治療，開支超過保單最高賠償限額，該限額將不會重設） 產品彈性 1.       設有標準保障條款 1.       保險公司可自由設計產品條款 冷靜期 1.       設有21日冷靜期 1.       由保險公司決定 是否可扣稅 1.       可以，每名合資格受保人每年可申請扣稅的保費上限為8,000元 1.       否 你可以透過以下公式粗略地計一計︰ 自願醫保保費 X 稅率 = 扣稅額 假設自願醫保保費為每年$5,000，以標準稅率15%作為例子，扣稅金額 = $5,000 X...

據報，Snapchat打算延長用戶公開帖文「Our Story」的最長時限至永久，並公開發帖者的身份，以增加Snapchat收入來源。在原來的「Our Story」中，用家可以公開發布照片或影片，該帖文只會以定位及標記作識別，並不記名。   Snapchat於2011年面世，用戶透過照片及影片發表自己的心情，信息在10秒內作一次性觀看。由於這「閱後即焚」的功能為用戶帶來很高的私隱度，及推出時功能為市面獨有，Snapchat曾一度人氣高企。之後得益於2.5億的使用者和2017年3月盛大的IPO，Snapchat一度成為最熱門的社群網站。 作為「閱後即焚」功能的開路先鋒，Snapchat過去曾不斷抨擊Instagram是抄襲者。但時移世易，Snapchat自2018年二月份對版面重新設計後，獲得使用者的一堆負評，受困於不良的介面設計，導致Snapchat的熱潮冷卻下來。 相反Instagram則抄襲了Snapchat的「閱後即焚」，令Snapchat失去獨一無二的競爭優勢，也通過更新功能來說服年輕用戶加入。 2018年第二季度財報中便揭示了Snapchat日活躍用戶數從1.91億降到1.88億，用戶成長也有非常明顯的放緩。對比它的競爭對手，Instagram已經坐擁10億用戶，估值超過1000億美元，Stories也有超過4億日活躍用戶。甚至同屬Facebook旗下的WhatsApp動態功能也有4.5億。自從2017年IPO以來，Snapchat股票一直維持低迷狀態，其中一個最大的問題，是無法持續提高日活躍用戶數，來吸引廣告商投放廣告，以增加足夠的現金流。   是次改動很有可能為了增加收入。消息指，由於Our Story上的內容在一段時間後便會消失，而且是匿名發布，令Snapchat的合作夥伴認為難以和Snapchat合作。例如Snapchat以往和各新聞媒體合作，提供公開帖文，助它們獲得突發新聞的現場片段。但苦於無法確定拍攝者身份及帖文的匿名性，媒體不敢加以引用。 另外，Snapchat也可以出售帖文給市場統計作大數據的資料分析；延長公開帖文則商戶投放的廣告曝光率更高，更多用戶看到帖文，Snapchat可進一步開拓廣告市場，如同它的競爭對手。 但「閱後即焚」消失也表示Snapchat的一大賣點褪色，Snapchat需要平衡各方利益，考慮用戶對私隱安全的擔憂，增加廣告或會令用戶體驗更加差，最終損失用戶，得不償失。   資料來源：mythfocus﹑hket

持續進修基金於2019年4月1日起提高資助及年齡上限，大家可善用這筆資助，在公餘時間修讀不同課程，自我增值，取得專業認證，或是培養工作以外的個人興趣亦可。專業股票分析實戰課程、CFA（特許金融分析師）備考班、創意手電遊戲程式設計專業文憑課程、自然生態攝影旅遊專業證書等等包羅萬有，總有合你心水的課程。   「持續進修基金」７大注意事項 最高資助上限由1萬元增加至2萬元。 沒有在限期內用盡資助的申請者，可重新使用帳戶結餘，同時享有新增的1萬元資助額。 申請人年齡上限由65歲提高至70歲。 首1萬元的資助比率上限為學費80%；次1萬元的資助比率上限為學費60%。 戶口不再設有年期或申領次數限制，即申請人可在年滿71歲前，不限次數申領合共最多2萬元資助。 新措施只限於2019年4月1日起開課的課程，此前開課的課程會按原有規定處理。 擴大資助課程的範疇至所有在資歷名冊登記的合資格課程，即八大提供的副學士、學士、碩士課程亦包括在內。   欲知可獲發還款項課程名單，可瀏覽持續進修基金網站，或致電熱線 3142 2277（由「1823」職員接聽）以傳真方式索取有關的課程資料。 現時持續進修基金所提供的9個獲得資助的行業範疇課程包括：金融服務業、物流業、商業服務、旅遊業、語文、設計、創意工業、工作間的人際及個人才能、能力標準說明。 語文類別中包括：英文、中文、普通話、法文、德文、日文、韓文、西班牙文、意大利文和手語。 欲計算獲發還款項，可使用持續進修基金計算機。   申請流程： 了解課程是否可獲發還款項課程。 完成課程後，申請人可要求院校蓋印於申請表上，一次過申請開戶及獲發還款項。 填妥表格後，把申請表、身份證影印本、繳付課程費用的證明文件、成功修畢基金課程的證明文件、基準試成績單（如適用）、繳付基準試考試費用的證明文件（如適用）及載有申請人的姓名、帳戶號碼及銀行名稱 / 銀行編號的銀行存摺首頁或月結單，遞交至辦事處。（地址：香港荃灣青山公路388號中染大廈25樓07-11室 持續進修基金辦事處）。 申請人亦可把申請表格連同所需文件副本放入設於以下地點的收集箱 / 投遞箱內。請注意各收集箱 / 投遞箱的開放時間。 長沙灣政府合署（地址： 九龍長沙灣道303號） -藍色「持續進修基金申請文件投遞箱」設於長沙灣政府合署12樓學生資助處櫃台接待處旁。 開放時間：...