學生時期，只要參加社團、學會、校隊、補習，甚至做兼職，除非性格極度內向，不然都可以很快認識到不同的人。但隨著畢業後踏入社會工作，每天不外乎是上班工作，下班睡覺，要增加朋友數目變得相當困難。但所謂「識人好過識字」，很多成功的企業家或是職場精英，都非常重視及認真經營自己的人脈。究竟有什麼方法打破自己原本的生活圈，累積人脈？我們一起來看看以下的途徑吧！ 1.進修班 進修班絕對是大家公認拓展人脈好方法之一。透過公餘時間上課學習，除了提升自我價值外，還可以在課堂上認識新朋友。雖然同學來自不同公司及背景，但彼此都擁有相同專業，也在同一個領域中打拼多年 ，可以從中了解他們的工作經驗 ，互相學習成長。未來不管是換工作還是需要挖角，都很有可能成為彼此的好同伴。 2.出國留學 有些人在工作數年後會選擇出國留學深造。除了有機會認識外國人，拓展國際上的人脈之外，也有不少人因此交到「同鄉」好友！ 原因是大家離鄉別井在外地生活，遇到來自同一地方的朋友時，總會倍感親切，生活上也會彼此協助。很多人就算回港後仍會保持聯絡，成為交情不錯的好朋友。 3.加入宗教團體 不管是教會還是禪修班，參與宗教團體，都是現代人追求心靈安定不可或缺的重要活動。每個人生活背景、職業、年齡都大不相同，因此有很多機會認識其他生活圈子的人 。 4.做義工 做善事除了能夠帶來心靈上的富足之外，也是個廣交朋友的好方法！你可以選擇到老人院服務，或是協助弱小的流浪動物。在彼此分工合作的過程中，可以觀察到每個人的做事能力與個性，說不定會因此找到志趣相投，對事業或是工作上有幫助的好同伴。 5.參加興趣社群 除了目的性強烈的交友平台外，想要增加未來可能對自己有幫助的人脈，加入社交媒體上的興趣社群也是個不錯的選擇。 例如喜歡動漫模型，就可以加入相關的社群，互相交流心得和分享消息。部份團體更會定期舉辦不同聚會活動，因為大家有著共同興趣或專業，自然很快能夠打成一片。 6.出席各種講座展覽 香港有很多創業群聚或是專業領域的講座。如果願意好好把握機會，在現場主動與身邊的人分享自己聽完的心得，彼此交流分享自己的想法，實際上也是個認識不同朋友的好方法。 7.參與運動項目 近幾年來，香港越來越多人熱衷參加健身班或是到郊外登山遠足。運動是不分年齡職業的休閒活動，往往也可以認識許多不同領域的人，例如在健身房當中，會有不少機會與他人分享心得及交流經驗，從而拓展人脈。  

你可能遇過咁嘅情況：聚會上識咗勁人，活動中一路有講有笑，佢似乎成為咗你朋友之一。但拎完電話，散band之後，你哋之間就再冇交習；又或者你冒昧搵佢幫手，佢冷淡回覆「有啲忙，之後再傾」。成日話「人脈」，人脈究竟係咩？   美國人際關係大師卡耐基經過長期研究得出結論：「專業知識在一個人成功中的作用只佔15%，其餘的85%取決於人際關係。學會處理人際關係，擁有豐厚的人脈資源，你在成功路上走了85%的路程，在通往個人幸福的路上走了99%的路程了。」 人脈資源係一種潛在嘅資產，佢同錢一樣，都需要管理﹑儲蓄同增值。而家已經唔係單打獨鬥嘅年代，所有行業都仰賴人際關係，經唔經營好人脈會決定你嘅事業高度。 好多人以為喺公司做嘢，最大收穫係賺到幾多錢，積累到幾多經驗；錯晒！最重要應該係你識到幾多人同朋友，積累到幾多人脈資源。人脈不單止對你做打工仔時有用，你離開公司，創業做老闆時更需要呢樣資產。 財富嘅積累最初係靠本事賺番嚟，然後靠資本錢滾錢，最高層次靠資源嘅整合同人脈嘅經營。   有人脈當然好，但唔係每一個聯絡人都係有效人脈。你提供唔到價值畀人，憑咩要勁人帶挈你？同你有親呀？所以有個迷思係「我識得夠多人就得」，呢樣完全錯晒。你話自己有馬雲電話，佢幫唔幫你先？ 人脈玩緊嘅係價值交換，睇你個人價值有幾大。你能夠識到邊個，取決於你對周邊人嘅價值幾高。與其費盡心思去結交人脈，不如先搞清楚自己價值，專心做可以提升自己嘅事，成為一個值得交往嘅人。 專注做好自己嘅事比任何事重要，人脈唔喺其他人身上，而喺自己身上：只有當你幫到越來越多勁人，你嘅人脈先會越嚟越廣，品質亦會越嚟越高。   兩個人嘅行業位置或知識處於一致嘅情況下，先可能傾得埋欄，達成深入合作。假設你咩都冇咁走去同馬雲傾偈，機會係好難得，但你畀唔到貨，只好講下「啲buffet幾好食喎」。 原則都適用於跨行業交流，好多娛樂圈明星都有商人好友。只要你喺某個行業做到咗一定高度， 行業間嘅人脈圈就已經打開。唔好試圖去識勁人，自己做得好勁人自然想識你，亦只有係勁人自己想識你，咁先叫人脈。   股票有「潛力股」，人脈都一樣。人脈間嘅互助好重要，不嬲都係你幫下我我幫下你。投資同我們程度差唔多嘅人，建立一種平等互助嘅關係。另外，多啲帶挈有潛力同能力﹑只係暫時差啲機會嘅人，幫咗人人會記得。就好似逢低買潛力股，呢類股票先係真正令人賺大錢。   資料來源：Top Sales