27.2 C
Hong Kong
- Advertisement -spot_img

TAG

調酒師

【調酒人生】由OL蛻變成冠軍調酒師 「Cocktail唔止賣醉咁簡單!」 – 專訪Quinary調酒師Shelley Tai

https://www.youtube.com/watch?v=g1ktpcIo1ig 提起Cocktail,第一時間就會想到吸睛的外型和味道層次豐富,讓人驚喜無限,調酒師就是賦予每杯Cocktail魅力的靈魂人物。雖然Cocktail Bar近年才漸見盛行,但入行已近十年的調酒師Shelley Tai希望打破外界標籤,讓大家明白調酒師不單要熟知巧妙運用調酒技巧,還要懂得跟客人的相處技巧,絕對是一門專業。 ● Shelley入行十載,因一杯「Last Word」使她覺得Cocktail不只賣醉,還可以欣賞和品嚐。 吧檯工作更具挑戰 Shelley和很多人一樣,日間只是普通上班族,但晚上就走進酒吧做侍應,很快就發現文職不適合自己。「我好怕悶,唔想日日都重覆做同樣工作,我想有多啲變化。」不諳調酒的她毅然辭職,在餐廳水吧從低做起,後來輾轉到不同夜場和酒吧,現在來到Quinary。當大家下班後到酒吧輕鬆消遣,Shelley才開始一日工作,儘管工作時間日夜顛倒,她仍然樂在其中。「每日返工,做到第二朝。有時送酒嚟仲要搬搬抬抬,體力勞動好大,對女仔嚟講會辛苦啲,但學到好多實用嘅調酒技巧,能夠學以致用,並創作出屬於自己的雞尾酒其實都係一件令我嚮往嘅事情。」 調酒師係專業嚟! 每個調酒師必定有一杯影響他們的Cocktail,「Last Word」讓Shelley重新認識Cocktail價值。「因為『Last Word』比較Classic,我發現Cocktail唔一定俾人賣醉,而係可以用嚟欣賞同品嚐。」大多Cocktail以外觀花巧吸引客人,但Shelley認為味道同樣重要。「Cocktail嘅設計的確會令客人飲落開心啲,甚至令本身唔飲酒嘅人願意嘗試,但味道唔好就點講都冇用,所以要兼顧外觀同味道。」Shelley會從生活細節發掘創作靈感,不斷調較新口味,希望為味蕾和視覺帶來驚喜。「好似『玉冰燒』係用中國米酒為基調,再配上5種唔同香料嘅芝士條,一杯酒就可以喺味覺上經歷不同變化,幾有趣啊!」 在外國,調酒是一種專業。不過Shelley說若想在香港成為調酒師,也並非想像般困難。「其實學調酒唔難,就好似廚師煮野食咁跟住食譜,跟返份量就可以調到酒,宜家好多地方都肯俾機會新人嘗試。」但是除了掌握好基本知識,調酒師更需要懂得與客人相處之道,以及實戰經驗。要精通這門學問,Shelley平日亦會多看與酒歷史和知識相關書籍,希望透過調酒帶出每杯酒的獨有故事。當有機會去到國外旅行或比賽時,她亦常常到訪當地酒吧。「同當地人溝通可以了解好多當地文化同有咩特色食材,成日都會激發我創作靈感。」 ●Shelley坦言香港調酒界入行不難,但要變得專業就要從低做起和不斷學習。 ●Shelley認為調酒師是專業,因為不單要調配酒品,還要了解客人需要選擇合適Cocktail,絕對需要時間磨練。 調酒師唔止調酒 客人隻身坐在吧檯前,邊喝酒邊向Bartender傾訴心聲的電影情節,對Shelley來說絕不陌生。與客人聊天也是Shelley工作一部分,她很享受聆聽客人訴說故事。「調酒師工作唔係整一杯飲品咁簡單,仲要諗埋客人嘅情緒。我經常主動同佢哋傾計,睇下佢哋諗咩煩緊咩。」Shelley更會邀請客人做「白老鼠」,嘗試新調製雞尾酒,希望客人「酒後吐真言」。 「有時我會預備啲未出街或者設計緊嘅Cocktail俾熟客試,聽下有咩意見。而家佢哋會主動話想試,表達自己想法俾我知,不過有時真係會直接講好難飲。」Shelley認為調酒師與客人之間有對話與互動,才算一個完整的雞尾酒體驗。「每日可以見到唔同嘅人,講唔同話題,然後調製一杯適合嘅Cocktail,呢樣係做調酒師最特別嘅地方。」 Cocktail改變Shelley人生,若果要用一種cocktail形容自己,她認為也許是杯經典Old Fashioned,感覺簡單,經得起考驗,最重要「我鍾意!」入行至今已經十個年頭,未來仍想在調酒行業發展下去。「除咗調酒工作,我嚟緊會代表香港參加一個國際調酒大賽。每個調酒師嘅配方都各有唔同,所以同一款雞尾酒,味道不會一樣。希望可以做更多嘗試,令到我調製既酒可以耳目一新!」 ●Cocktail除了外型要吸引,味道都是重要一環,雙劍合壁才能受歡迎。 ●憑著堅持和努力,Shelley在Diageo World Class調酒師大賽中勇奪港澳區冠軍。  

以社交網絡建立個人品牌 — 專訪調酒師Pauline Jam

  https://www.youtube.com/watch?v=KZdtAnHF6kI&t=24s 「調酒師」一職似乎型格又有趣。但背後的調酒師之路,卻非人人捱得過。 調酒師工作一點都不輕鬆,辛苦捱夜,失去和家人、朋友相處的時間,有時還要面對客人的刁難。「做飲食業要有一個覺悟,」接受專訪的調酒師 Pauline 沈吟片刻對筆者說:「尤其是在 Club 工作,可能天光才回家,很辛苦。」 當「調酒」這項興趣,上升到事業甚至是專業,事情就不再簡單。Pauline 對此深有體會:「我不只要在技術上精於調酒,亦要顧及創作理念及主題概念。再然後要看遠一點,看看行內趨勢。對調酒師來說,建立個人品牌尤關重要。」他續說:「社交網絡是建立個人形象﹑擴展市埸的必要工具。」 以前社交網絡不算普及,調酒師創作雞尾酒或在酒吧搞活動時,來來去去只有當晚數十位客人知道。但現在社交網絡媒體(Facebook/IG)當道,一瞬間便有幾千或幾萬人看到我們在做甚麼。 「就如現在我和 Dr. Fern's Gin Parlour 合作,經營社交網絡媒體。建立個人品牌時要嚴格選擇合作夥伴,例如這裏(Dr. Fern's Gin Parlour)是 Gin 的地方,你不會和 Whisky﹑Rum 或 Tequila 公司合作,否則整件事對你的品牌不好。」 他又指自己會經常更新個人的社交網絡,放上很多照片。「會騙到很多嬲,這是我其中一個建立個人品牌的方法。」 後記: 筆者問Pauline被稱作男神有何感想。Pauline如此回答:「我不是甚麼Dr.,不是甚麼男神。我們和客人是朋友,我覺得這樣就最好。」

Latest news

- Advertisement -spot_img