風險

修訂《逃犯條例》爭議未息，有網民發起眾籌，望籌300萬港元在國際媒體刊登頭版廣告，呼籲國際社會關注《逃犯條例》爭議、釋放和平示威者等議題。直至今日（25日）中午時分，籌款金額已火速達到目標。現時，英國《金融時報》已批准他們於周四（27日），即二十國集團峰會（G20）召開前一日，於美國版及亞洲版頭版右下角位置刊登廣告，所費近1.5萬英鎊（約15萬港元）。到底怎樣才可以發起眾籌？參與眾籌又會不會犯法？ 眾籌（Crowdfunding）眾籌由2009年在開始美國興起，是一種經互聯網向廣大民眾集資的方式，近年越來越盛行。眾籌發起人可以設定自己目標，在指定時間內達到一定數量的資金，成功達到這個目標就可以拿到籌到的款項。欲徵集資金的一方通常會透過網絡的眾籌平台，向大眾展示和宣傳計畫內容，並解釋如何令作品量產或如何實現計畫，並設定募資的金額目標，在時限內達標即算募資成功，接下來就可以利用資金開始進行計畫。眾籌平台則會從籌款中抽佣以作收入。 眾籌可按性質大致分為四類： 1)捐獻性質：把募集資金作指定的慈善用途； 2)報酬／預售性質：籌款者會在獲得足夠資金後提供商品或服務，作為對投資者投入資金的回報； 3)股權性質：投資者藉購入商業投資的股權，賺取財務回報；及 4)債權性質或點對點網絡借貸：即資金提供者向借款人提供貸款，以賺取利息。 發起眾籌要符合甚麼資格？ 一般而言，眾籌門檻都不太高，通常眾籌網站都只要求發起人合乎以下條件： ．需年滿18歲或以上。 ．所發起的眾籌項目需要以發起人的名字或代表註冊的法律實體。 ．需要在所屬國家有合法地址、銀行賬號與身份證或護照。 ．未滿18歲的發起人需由已年滿18歲的人士陪同，合作發起眾籌項目。 香港市民可循甚麼途徑發起眾籌？ 現時網上有大量眾籌網站，但基於個別網站的地區限制及方便管理，並非每一個都可以讓港人發起眾籌，Kickstarter、Indiegogo和Fringebacker是比較知名而又接受港人申請的眾籌網站。 眾籌有甚麼風險？ 以眾籌集資方法，因為缺乏監管，其實對投資一方來說風險極高。近年都出現不少「眾籌」騙案，有市民「中招」被騙去金錢。例如有喜歡音響設備的市民在2016年透過眾籌網站Kickstarter看到一間Celestial Tribe公司，擬透過眾籌生產一個名為Muzo的隔音產品。該項目獲得1.3萬來自世界各地的人支持，籌得合共逾240萬美元（折合接近1,900萬港元）；而賣家聲稱在2017年2月發貨，惟受害人及一眾網友卻未取得產品。受害人之後曾在Kickstarter網站留言查詢發貨進度，但賣方在2017年11月再沒回音，等待一年又一年，至今仍未收到賣家寄來產品；在網站留言的其他買家同樣指仍未收到產品，故受害人認為該公司存心欺騙。 眾籌犯法嗎？ 在香港仍是有一些眾籌活動是會觸犯法律。例如向公眾投資者募集資金，尤其是向一大群人公開募集資金，不管是投資、理財產品、債券，甚至是股票、彩票等等皆屬於非法的。而如果該眾籌又未經過監管當局如證監會審批認可，就可能屬於非法集資。 ●全球其中一個最成功的眾籌平台為2009年創立的「Kickstarter」，成功令不少創意發明和創作得以實現，例如智能手錶「Pebble」。  

自由工作者（Self-employed / freelancer）指嘅係唔隸屬於任何組織或公司嘅人，靠腦力或勞動嚟提供服務嘅自僱人士。「你睇人好，人哋睇你好。」唔少人覺得Freelancer生活輕鬆，可以自己控制時間同工作內容，瞓到自然醒，唔駛點做同時又搵更多錢。呢啲發夢諗下好啦，做之前不如睇清Freelancer嘅真實生活同風險。   收入不穩定 做Freelancer朝不保夕，工作量未必穩定。冇年終假期、冇病假、冇公積金、冇獎金、每個月嘅人工按你工作量而定，多勞多得。有時遇着拖數公司，有時可能一個月都接唔到任何job，冇病冇痛都話咬緊牙關捱下，如果咁啱遇着啲咩，需要財務上嘅緩衝，就真係唔知點算。   權益欠保障 合約糾紛﹑被老闆壓榨同壓價係常有嘅事。周不時出現做完唔畀錢，追糧時又遇上「判上判」無從追數嘅情況。當然亦無辦法向銀行申請貸款，被人拖數時只可以向小額錢債審裁處提告，但效果通常唔算不理想。唔少人冇簽合約，做Freelance接近完全冇保障，香港冇集體談判權，又冇咩Freelancer工會，Freelancer處於不利處境。 另一方面係意外責任。市面少見以Freelancer為對象嘅保險，萬一自己或參與項目嘅人士發生意外，將難以獲得保障。諗下做Uber同Deliveroo嘅自僱人士，有咩事責任都係個司機到，僱主同企業將啲責任撇除晒。   Freelance工作求過於供 求職招聘平台HKESE創辦人Ming就指出，香港僱主比較保守，願意請freelance嘅職位唔多。而家該平台共有約一萬份工作，當中只有唔夠一成係自由工作，主要係設計、網站及程式開發、文案作者、翻譯等有關IT同文字嘅工。Ming認為香港僱主比較保守，傾向請長工為主。   自由中嘅「不自由」 做freelancer比返全職更需要嚴格自律。接咗job後，無論私底下花幾多時間都要準時交貨，佢哋背後嘅「艱辛」同「不自由」成日畀人忽視。Freelancer都有時間嘅限制，需要係固定時間內完成工作；仲可能隨時接新job，計劃成日跟唔上變化，時間要跟住工作而變動，分分鐘比全職時工作量仲大。 都市人成日話自己有拖延症，自律性對Freelancer嚟講非常重要。冇上司督促之下你可唔可以良好地自我管理時間，係冇office嘅情況下仍然保持專注工作嘅心？   但講咁多衰嘢，都係想你睇清Freelance嘅性質，再諗下當中嘅可行性。如果你有以下成為Freelancer嘅條件，去馬啦朋友： 搵到自己真正感興趣且能帶來收入嘅方向 喺某一領域有一定嘅技能﹑經驗同人脈積累 儲夠能維持你至少一年吃喝不愁嘅資金 心理建設：承擔失敗嘅心理成熟能力同自律性