28.9 C
Hong Kong
- Advertisement -spot_img

TAG

蘋果日報

【非理性投資?】壹傳媒股價爆升創歷史新高 新手投資者入市前應注意甚麼﹖

8月10日星期一,警方拘捕壹傳媒(0282.HK)創辦人黎智英及多名《蘋果日報》高層,再加上超過200名警察大舉搜查蘋果日報總部,引起全港甚至國際關注。不少網民除了聲援及表示出白紙都支持之外,有不少KOL表示入市撐壹傳媒,使股價在早上搜查期間的低位(7日報0.090),短短一日內急升至歷史新高(11日曾報1.96),股價一度急升六倍,成交額超過42億,僅次於騰訊(700),連帶相近立場的媒體或公司,股價亦有所上升,實屬香港股市奇聞。坊間不少人都認為這次投資實屬非理性,僅為撐而撐,但作為新手不想貿然入市,最終損手離場,他們又可以怎樣做﹖今次小編利用一些數據和統計,透過分析去計算投資不同股票是否合適。 ‧ 因應警方大規模拘捕壹傳媒多名高層,不少人入市支持,股價急升6倍,全日成交額僅次於騰訊。 計算每股盈利 / 虧損 (EPS) 股東應佔溢利除以全數已發行股份,平均每股獲得的盈利(不代表派息)就是EPS。壹傳媒集團財政狀況不佳,早已不是新聞,剛在六月公佈去年度業績,收入按年跌11%至11.58億港元,已經是連續五年虧損。股東應佔虧損為4.15億,平均每股虧損15.8仙,加上借貸量大於現金流,資產負責並不理想,因此單想入市收息的話就不建議入手這類股票。 2. 市盈率P/E 當你計到每股盈利後,就可以計算市盈率,方法就是股價除每股盈利。但究竟市盈率幾低才叫抵呢﹖翻看恒指網頁,近一個月PE大約維持在10 - 11倍之間,以往最高點為2007年,當時P/E近23倍,平均亦維持在13-14倍左右,代表現時普遍仍然較抵買。不過未必所有公司都適合利用P/E決定,畢竟該公司所屬的行業前景未必能完全反映在市盈率上。 ‧ 現時市盈率仍處於較低水平,但未必所有公司類型都適合以P/E衡量入市風險。 3. 以往派息政策 新手入市前不妨先留意該公司在行業內的地位、競爭及財政狀況,還有就是該行業的需求及未來前景。入市隨了想追求被動收入,但股息有時都是考慮因素,公司分派股息政策就是當中關鍵,例如可以了解一下以往的分派比率,以及分派量是否和業務表現成正比,這也對穩定股息有很大影響。 ‧ 除了滙豐外,不少銀行股都計劃暫停派發股息,可能會影響入市動力。 今次壹傳媒股價急升可說前所未見,而公告亦指壹傳媒董事會並非知悉任何原因,或任何須予披露的內幕消息,而多名高職被捕後亦對集團日常的正常營運並無任何重大不利影響。但網上討論區亦有大量因這次「非理性投資」而損手的帖文,都是那一句股價可升可跌,投資前先做好功課。若果評估後自身風險未能承擔投資風險,不妨改向購買其他實體產品或服務。

【「安心偷食」贏家】 壹傳媒能否鋪好「收費訂閱制」之路?

「安心偷食」事件鬧到滿城風雨,最大贏家反而係壹傳媒。琴日(16日)爆完「安心偷食」事件,「蘋果」就錄得200萬人訂閱,人人登記做免費會員好跟貼成件事。呢個可以話係「蘋果」一個里程碑,為佢日後嘅收費訂閱制鋪路。   4月頭「蘋果日報」開始會員免費訂閱制,讀者要登記做訂戶,先可以免費睇「蘋果動新聞」同網上足本內容。呢一舉措,好明顯係為先儲好一批目標讀者,待下一步開展收費訂閱制。   傳統印刷報業衰落,呢個係不爭事實,而家仲有幾多人真係落街畀錢去買份報紙?以前媒體收入主要靠廣告,但而家喺報紙落廣告嘅廣告商越嚟越少,網上廣告嗰塊收入好多都唔入佢哋袋,反而被社交媒體食得七七八八,免費媒體單靠廣告難以生存。 自從網上世界興起,報業生態被徹底扭轉,人人都可以係記者,資訊周街都係,大家都唔覺得自己要為內容付費。「扯!你呢間要畀錢,唔睇你咪睇第二間囉。」而為咗迎合觀眾,唔少媒體都係內容農場同標題黨,大家都搏命追流量。搞深度內容嘅媒體,用嘅人力物力多,但流量往往唔及乜乜「偷食斷正」﹑「震驚七百萬人」,真係食力不討好。傳統媒體要諗點轉型,新媒體就諗點站穩陣腳。   回到「蘋果」,「蘋果」網上社交媒體係做得比較好,每日錄得超過4,500萬次點擊同200幾萬Facebook粉絲,但都係連年虧蝕。無論係廣告收費,定賣報紙嘅收入都不斷下降。睇番壹傳媒年報,「蘋果」印刷業務方面,17/18年度廣告收益較去年同期大跌 40.5%。「蘋果」已經唔可以靠廣告嚟營生,走向收費訂閱制都無可避免。 「蘋果」免費訂閱時,有唔少人嘈覺得「冇晒私隱」又嫌麻煩。而家「安心偷食」一出,大家咪又係即刻登記。八卦嘅心理大家都有,有時爆料推一推好過花唇舌解釋一餐。 但問題在於下一步:你會唔會畀錢睇「蘋果」? 理念上嚟睇,可以畀嚟支持下,畢竟真相唔係個個傳媒夠膽講,畀錢支持都係對抗霸權惡政﹑守護公義嘅一種方法。 內容上嚟睇,未必想畀。好似「安心偷食」咁嘅獨家震撼新聞唔係時時有,就算有,網絡咁流通,呢啲花邊新聞照樣可以喺其他媒體睇到,香港人不嬲好精。 「蘋果」係內容上一向行即時新聞﹑即食娛樂化短片「動新聞」嘅路線。比起報深度內容嘅《端傳媒》﹑《紐約日報》,你會想畀錢睇邊個多啲?會唔會覺得「蘋果」內容膚淺,份錢唔抵畀? 但「蘋果」只可以頂硬上,為咗唔食谷種,收費訂閱制係冇辦法中嘅辦法。

Latest news

- Advertisement -spot_img