環保

https://youtu.be/wAFPWROMhGE 全球各地正面臨能源短缺的危機，有指石油及天然氣等原料會在未來百年內耗盡，使用這些原料發電不但會污染環境，更加速全球暖化問題，一直以來被環保團體所詬病。各國近年於是不斷發展可再生能源的應用，試圖取代這些有害的化石燃料。成立於2018年的安能再生能源公司（Amosola）積極響應環保理念，提倡太陽能發電，並為不同住宅及商用大廈安裝太陽能系統，投資各類太陽能項目。行政總監李安傑（Jeff Lee）期望透過與政府、電力公司及不同非牟利組織合作，向大眾推廣太陽能發電的優勢，未來得以在港廣泛應用。   太陽能發電好處多多？ 相較傳統燃煤發電，太陽能發電的過程中不會排放溫室氣體，對環境友善無害，而且與有限的化石燃料截然不同，只要太陽一日安然運行，其能源便取之不盡，可以源源不絕地提供。Jeff強調，「除保護環境外，使用太陽能發電亦可減少對電網的依賴，有效節省電費，是值得信任且可靠的長線投資。」雖然有人質疑，安裝太陽能系統成本不低，而且步驟繁瑣，是否值得大費周張？但長遠而言太陽能系統可運作超過25年，即使長期運行按年損耗亦不多於5%，更毋須定時更換零件或更新系統，只要不時簡單清潔即可，維護成本相宜。Jeff笑稱，「比起不斷飆升的電費，及早改用太陽能發電無疑更划算。」 ●現時香港有超過10%的村屋採用太陽能發電，安能未來有意進一步推動在荒廢農地，以至魚排上使用這種發電方式。   安裝太陽能系統的限制及程序 既然太陽能發電好處不勝枚舉，相信不少人會問，又能否在香港大規模應用？Jeff可惜地表示，「法例上有一定規限，加上環境因素影響，並非所有地方適合安裝太陽能系統。」香港地少人多，土地狹窄，而發電系統運行時需要一定空間。根據現時法例，安裝地若為村屋，系統佔地不能超過空間的一半，高度則限制於2.5米內；村屋以外的地方，高度亦不可多於1.5米。Jeff建議，「安裝處附近最好為平地或荒郊，不會被山樹或建築物遮掩，否則可能會影響電力供應。」 ●不同地方的天台表面，所用物料亦有差異，較常見如石屎、鐵皮及石綿等，安裝時會因應不同物料進行個別處理，從而做到防水。   假設符合以上條件，有意申請者可向安能查詢而獲得「一站式」評估安裝服務。安能派專員到客戶物業進行實地分析及環境磡測，檢查建築結構。客戶滿意項目報價後，安能便會設計圖紙及電力系統圖，同時替客戶申請「上網電價」計劃。當電力公司批核申請，太陽能系統便可安裝於物業天面上。最後，由電力公司派人檢測及安裝上網電表，系統安裝完成。 ●為吸引更多有興趣的客戶，安能特意提供不同類型的優惠，包括村屋$0首期分期計劃，並免費為NGO進行安裝。   得政府推動 對未來感樂觀 其他發達城市如新加坡及東京，太陽能發電的應用遠比香港先進普及。所幸政府近年來亦有意大力推動相關方面的發展，不但以身作則，於不同政府建築，以至學校上安裝太陽能系統，並從2008年開始，提供相關補貼，同時推出可再生能源上網計劃，從而鼓勵大眾改用太陽能發電。不同公司響應政府呼籲，並通過推動環保塑造良好形象，提高企業評分，紛紛加入這個行列。因此，Jeff對太陽能發電的前景感到樂觀，「雖然香港起步較慢，但有心不怕遲，而且遲有遲好，太陽能發電的技術越趨成熟，發電成效更理想之餘，成本越來越低。」 ●Jeff希望透過身體力行，做到減排，實踐環保理念。

https://youtu.be/1qIiO6qivos 2020年ViuTV有唔少出色節目，除咗《全民造星3》引起廣泛討論外，自家劇集《暖男爸爸》都令唔少觀眾讚好。雖然劇中部份演員拍劇經驗唔多，但靠住努力同主角鄭中基帶領大家之下，拍出一幕又一幕讚人熱淚場面。其中飾演幼稚園老師Miss Carmen嘅岑樂怡(阿妹)同鄭中基有唔少對手戲，佢坦言呢個機會唔係人人都有，而且獲益良多。雖然2020年充滿不快樂，也打亂阿妹原本計劃，但由做主持到拍長劇，再意外地化身「環保L」做埋YouTuber，分享貼地環保資訊，得到嘅經驗都係歡樂大於失落，或許都是疫情帶給大家嘅新體驗吧。 ‧ 阿妹坦言拍劇經驗唔多，仲曾經一個人喺外地拍劇，但學識好多有趣演技方法。 「迴避」鄭中基 才有極催淚獨腳戲 有得同相隔18年再次拍劇嘅「暴龍哥」鄭中基合作，相信好多人恨都恨唔到，正好阿妹飾演嘅幼稚園老師幾乎每場都要同鄭中基做對手戲，爆出好多拍攝趣事。「Ronald好照顧我地，而且大家都知佢好搞笑，成日喺開機前搞啲好爛嘅gag，的確可以放鬆心情易入戲啲。不過一去到啲沉重嘅戲份，拍之前真係要避開佢，費事『焗蟹』NG（編按：演員忍笑）。」阿妹指最初收到《暖男爸爸》監製邀請擔任幼稚園老師時，諗住都係打下招呼傾下計，無咩太大感覺，但監製講完角色發展之後，佢就知道要做好功課啦。因為難度在於Miss Carmen另一半其實無喺劇出現，有一幕自己喺便利店食住三文治嘅喊戲，所有情感都要嚟自阿妹嘅幻想。「無咗對手幫你，唔單止要靠自己幻想往事，仲要諗住件三文治好難食，相信無人會估到！」不過最終大家都為Miss Carmen流下唔少眼淚，一切都已經值得。 ‧ 苦練多時為咗獨自邊食三文治邊喊，最終成功令觀眾流下眼淚，已經很值得。 擔心環保又悶又膠 「無人做不如我做啦！」 時代變得太快，今時今日藝人同讀者距離變得好近，加上今年無哂實體表演，不少藝人轉戰網上開Facebook Live、Telegram同粉絲傾計等等，足以證明社交媒體對維持人氣好重要。阿妹自認好懶，覺得好重要或者好鍾意先會Post上網，但公司同事往往叫佢更新多啲或者拍下片，先會有客睇中你做嘢。直到年初喺外地拍攝途中，因疫情要提早返香港，酒店隔離期間睇咗一本關於環保嘅書，激發起佢開YouTube Channel嘅動力。「最初我都有擔心環保話題又悶又『膠』，但睇多咗點樣走塑同過環保生活，發現其實好易做到，既然無咩人講不如我講啦。」多咗喺YouTube同IG Story分享環保貼士後，佢都估唔到反應幾好，短短幾個月已經吸引到幾千名訂閱者。吸到到一班環保L粉絲後，自然會收到好多題材建議，阿妹都會細心考慮再一一回覆讀者，其實咁樣都係一種同拉近讀者距離嘅好方法啊！不過阿妹認為香港對環保工作支援實在不足，只可以靠自己生活做起，但有時都係邊做邊學，知道邊啲係對生態有唔好影響就唔做；相反地如果為咗某種環保方法，影響自己生活同情緒，咁就要停止。佢認為如果可以用到自己嘅影響力，肯踏出第一步，簡單如走飲管，用少個膠File，其實已經心滿意足。 ‧ 阿妹話做環保L都有壓力，但都係鞭策佢為大自然出更多力。 2021活在當下最重要 今年能夠同「暴龍哥」合作拍劇，又變成「環保KOL」，阿妹回顧返2020年仍然係豐收一年。只不過疫情之下，阿妹本身要拍嘅旅遊節目無法成行，去美國讀書嘅計劃都要無奈取消，但反而多咗時間拍YouTube，學拍片剪片，都係一種意外收穫。佢一直將拉丁文「Carpe Diem」(活在當下) 放喺心中，似乎完全應驗喺呢個時代。「以前會提早計劃下年嘅工作同目標，但而家學識諗到咩就做，唔知幾時突然再無機會做。」就算世界充滿負能量，關鍵都要識得及時改變心態，呢樣就係香港人最叻嘅地方。 ‧ 疫情之後想第一時間去旅行，應該都係全香港人嘅心願了吧！？

現今商業社會，產品都講究包裝設計，以吸引顧客。但大家有無統計過，去一趟超市購物，有多少是屬於包裝垃圾？膠兜、飲品紙盒、鋁袋、淋浴露膠樽……每一樣都是包裝。近年愈多愈多人提倡Zero Waste (零廢棄)，歐美、加拿大及台灣等地開始出現無包裝商店，鼓勵消費者自備容器購物。 現時港人都提倡環保，政府實施膠袋徵費，商戶減少提供膠袋；做好垃圾回收分類，減少垃圾量；有部份商品都有「補充裝」，這些做法看似有助減低對生態環境的損耗，但仍然會製造出一定的棄置包裝，垃圾數量仍然龐大，處理成本花費不少。 無包裝形式，顧名思義是指從生產到消費的流程都盡量避免包裝產品，消費者須自行帶上各式容器前來填充、購買商品，間接鼓勵消費者重複使用現有器具，延長壽命，從而減少垃圾數量。現時香港已經有第一間無包裝商店，店內售賣的食物如米、油、鹽、香料、堅果、茶、咖啡等，甚至護膚品、洗頭水，全部都無預先包裝，顧客需要自己帶容器去買，需要多少就買多少，不再超量購買，減少過度消費。 ●全港第一間無包裝商店位於西營盤。 零包裝=回歸最初 無包裝彷彿成了解決環境問題，做法是一種「進步」，但其實這樣景象絲毫不陌生。倒轉時間，回到物資匱乏的60-70年代，許多人都是自行準備好容器，前往去米舖、雜貨舖，由老闆秤好份量再裝到容器之中。又或是到士多買汽水，人人都係在門口喝完，留下玻璃樽回收。只是隨著塑膠及鋁罐產品、石化產業出現，人們習慣便利，才改變了日常的生活習慣。無包裝的銷售型態看似新穎，其實只是找回過去。或許這種充滿「新鮮感」的商店，能為新世代顧客帶來特別的購物體驗，日後發展成一種另類商業模式。 ●德國的無包裝商店，客人都是自行準備好容器購買。