24.4 C
Hong Kong
城中熱話【4大方法】移民台灣懶人包

【4大方法】移民台灣懶人包

香港百物騰貴,身邊人都成日講笑話要移民去外國,支持去日本同台灣嘅粉絲都唔少。
睇番台灣,人民熱情友善,物價平香港一大截,生活節奏又冇咁急,的確係唔錯嘅地方。咁究竟移民去台灣有咩方法同條件?
 
香港人辦理移民嘅4 種方式:

  1. 技術移民

具有專業技術能力,並已拎到香港或澳門政府嘅執業證書,或喺學術、科學、文化、新聞、金融、保險、證券、期貨、運輸、郵政、電信、氣象或觀光專業領域有特殊成就者
入籍條件

  • 連續居留滿1年,該年出境次數唔超過30天

 

  1. 投資移民

在台灣地區有新台幣600萬元以上(約超 152 萬元港幣)嘅投資,成立﹑購買或入股台灣公司,就可即時拎到台灣居留證。配合居住條件最快可以一年拎到台灣國籍加護照,仲唔駛取消港澳身份。
而呢個方法係容許經營「物業租賃」同「物業買賣」。有意者可以先喺台灣開公司,再以公司名義購置物業,再將租金收入轉化為公司收入同營業額,以拎到居留權。
入籍條件

  • 連續居留滿1年,該年出境次數唔超過30天
  • 連續居留滿2年且每年喺台灣地區居住270天以上

 

  1. 「創業家簽證」移民

台灣內政部另有「創業家簽證」。申請人可以喺政府認定嘅國際性募資平台籌資新台幣200萬(約 50 萬元港幣)成立公司。創業者拎到創業家簽證後,仲要申請核發外僑居留證(ARC)先可以喺台灣居留超過6個月以進行創業活動,到期嘅時候營業收入或營業費用達到一定標準先可以繼續得到居留資格。
符合申請條件比較難,簽證嘅目標對象同入籍台灣嘅門檻都非常高,唔太建議大家用呢個方法。
申請人要滿足下列其中一項條件:獲創投資金、入創業園區、入育成機構、創業比賽奬得主、專利權者、已設立公司且獲得國內外創業投資事業投資
入籍條件

  • 連續居留滿5年,且每年喺台灣地區居住183日以上

 

  1. 讀書升學

喺台灣完成學士學位或碩士課程後,可以喺台灣申請延長居留1年揾工。台灣政府採用「畢業僑外生工作評點配額制」,申請人只要喺學歷、工作經驗、擔任職務等8項項目點數滿70點,由僱主提出申請獲准,就可受聘於台灣工作
入籍條件

  • -連續居留滿5年,且每年喺台灣地區居住183日以上;最近一年喺台灣地區平均每月收入超過中央勞工主管機關公告基本工資2倍者

 
資料來源:中華民國陸委會ICAN

更多文章