致勝之道

【百萬食譜】製作香港第一漢堡包之謎 「唔一定要最好味但一定要最標準」 – 專訪Burger Joys創辦人Manu Lee

美式快餐早已深受港人熱愛,連鎖店、漢堡包店比比皆是,漢堡已超出純粹飽肚充飢,更有帶給食客歡樂和享受作用。Manu Lee看中這一點,數年前選址中環和灣仔開設Burger Joys,希望將讀書時期吃漢堡的快感送給客人,更不惜出資百萬購入「超級食譜」,做出一個個讓人沒齒難忘的芝士漢堡。對他來說,成功之道在於不一定要做出最好味的漢堡包,但一定要做得標準,讓客人每一次回來,品嚐這個全港No.1 的芝士漢堡時,都可以感受到漢堡包帶給大家的快樂。

‧ Manu認為維持食物質素比是否最好味更重要,這樣才能吸引客人回頭光顧。

「百萬食譜」足見專業和威力

Manu小時候在美國讀書,可以話是食漢堡包和薯條長大,和好多人的夢想一樣︰擁有屬於自己的漢堡包店。「幾年前喺中環同灣仔開咗兩間店,由最初大多數都係外國人,後嚟多咗本地年輕人同一家大細幫襯,見到食Burger個熱潮愈嚟愈大。」市面專食漢堡包的地方愈多,但要做得出色並不容易,Manu指所有牛肉均是空運到港,屬冰鮮而非急凍,要在短時間內烹調以保持最佳肉質。不過漢堡的醬汁和麵包皮都不可忽視,他笑指開業前要試過百款麵包和醬汁,但大家試完都覺得未夠完美,最後決定出錢請一位拉斯維加斯麵包師傅,親自到訪店舖傳授獨家食譜。「真係要七位數,過百萬。」或者大家覺得漢堡包只是快餐食物,無需斥資鉅額買下秘笈,但Manu認為食客會食到漢堡包中的專業和誠意。事實亦證明它們的招牌芝士漢堡系列佔了80%收入之多,更獲得「香港第一漢堡」之名,足見這本「百萬食譜」的威力。

‧ Burger Joys招牌芝士漢堡,用USDA 美國安格斯牛肉製成,再加上寇比芝士及車打芝士,最重要是麵包由米芝蓮得獎主廚Michael Gillet提供特別配方給Burger Joys而成,佔餐廳近八成收入。

‧ 斥資七位數字入手絕密食譜,最終獲得「香港第一漢堡」,Manu認為非常值得。

外賣漢堡係挑戰

疫情之下,外出進食的人大減,但和普通餐廳不同,漢堡包不易做外賣,擺放時間長點,吸引力就大大下降。Manu早在幾年前已知外賣平台將成市場主流,所以曾在食材選擇和外賣包裝下功夫。「漢堡包多汁難拎,而且唔可以令麵包變軟,單係設計外賣盒已經用咗兩個月時間,但時間證明呢個設計係值得嘅。」不過疫情未有打消Burger Joys擴充計劃,他認為選址最重要方便運送食物。「因為保持冰鮮牛肉質素,店與店運送嘅時間最多只可以15-20分鐘,所以應該都先選擇港島區。」Manu亦想將Burger Joys打入住宅區市場,令普羅大眾可以隨時感受到美國本土的漢堡包風味。

‧ Manu堅持店內只賣漢堡包,因為不斷製作才可以做出專業水準。

品牌要講求長線經營

開業五年之路並不易走,Manu得出品牌經營的三大要素︰1) 專心一致、2) 友善服務態度、3) 大膽做優惠。既然定位為漢堡包專門店,那就專賣漢堡包,正如開首所說,不一定要最好食的漢堡,但客人更希望每次食到同樣高質素的漢堡,以往的經驗證明售賣太多產品只會令質素下降。「專心做Burger重要,但同客人傾計都重要,聽下佢地嘅意見,例如點將雞翼、薯條、奶昔整得更好,俾客人覺得你係重視佢地,同時又可以了解更多自己Business嘅不足,一舉兩得。」

除此之外,做生意要夠膽,例如Royalty Card買六送一優惠、$3雞翼、漢堡競食大賽等等,可能會減少部份收入,但在Word of Mouth效應下,長久絕對可以獲得更大的宣傳效果,令客人更想回頭再次消費。然而Manu認為未必所有夥伴都夠膽做各種決策,繼而出現意見不合甚至拆夥,最終無法專注研發食品或推廣方法而浪費機會。他建議有意從商的人,最好要找志同道合,甚至具膽識敢挑戰的人,這樣才可以在競爭中成功突出重圍。

‧ Manu建議初次創業的話,不妨先寫財政預算計劃,再分配資金到不同範疇,對控制成本非常有用。

Facebook

Instagram

Please enter an Access Token on the Instagram Feed plugin Settings page.