城中熱話

【小心騙案】扮轉數快SMS通知過咗數 再WhatsApp要求還錢

隨住快速交易方式愈嚟愈多,關於交易系統嘅騙案都愈嚟愈多同非常新穎,稍一不慎就會誤中騙徒陷阱。其中在2018年先推出嘅「轉數快」系統,利用手提電話號碼、電郵地址或識別碼快速轉賬過數,和Payme用法相近。不過網絡安全公司卡巴斯基早前指有用戶收到完成過數嘅SMS後,再用WhatsApp搵對方,訛稱自己過錯錢,要求還返700元俾「當事人」。

由於轉數快一般只需要登記咗嘅手提電話號碼就可以使用,騙徒無需太多技巧,只需要擁有最少兩張電話卡,再複製收款訊息就可以「行動」。市民切忌單純看了SMS和WhatsApp就信以為真而過數俾騙徒,尤其係商戶、網店好易有呢種陌生人交易,應該反覆查證。據報導指就算打返WhatsApp個電話檢查,就會發現係中國銀行(香港)嘅號碼,可說「做到足」。若用家碰巧是中國銀行(香港)客戶,上當機會就更高。

另外騙徒在WhatsApp中利用英文簡寫詢問用戶名稱,睇上去很像真,但其實只要一入到E-Banking轉數快頁面,輸入該號碼就可以知道有沒有帳號及英文簡寫,所以切忌上當。其實要避開騙案並不難,最容易就是立刻檢查帳戶確認一次是否收到700元,就可以即刻知道係咪真有其事。由於網店每日交易量大,所以若使用過數、轉數快、Payme等快速交易系統時,出示入數紙或截圖確保交易成功。尤其700元這類不算太大的金額,很容易因粗心大意或怕麻煩,便給錢了結而助長騙徒,所以最好多檢查帳戶和電話號碼有沒有被盜用,減少被騙風險。

資料來源:Kaspersky HK

Facebook