13.3 C
Hong Kong
- Advertisement -spot_img

TAG

Marketing

【夕陽行業】本地鐘錶業依然有好大商機? 「轉個方法同夠享受就可以做好品牌!」 – 專訪EONIQ創辦人

https://youtu.be/SmXdHQAsBNA 「勞力是無止境」這句寫得好中,想做自己有興趣嘅嘢的確唔易。現時本地創業難,投身夕陽行業創業更難,偏偏有人肯冒這麼大風險,幾年前進軍鐘錶業。EONIQ創辦人之一Quinn Lai坦言唔易,但本地鐘錶曾喺全世界享負盛名,應該俾更多香港人體驗呢門精密工藝。創業之路經歷社運、經濟不穩、疫情,好多公司面臨委縮甚至結業,但Quinn無氣餒,反而認為有危就有機。「呢度做唔到咪轉個方法做,例如整手工錶可以擴闊本地市場,其實一定係有得做。」今次就同大家一齊整錶,了解佢地嘅營商心得。 ・EONIQ首創1對1手工錶體驗工作坊,配件、Logo甚至錶針都可以完全自訂。 網購量不如預期 轉打Offline市場 近年冒起唔少主打年輕人嘅鐘錶品牌,由EONIQ產品以美金訂價已經知道,佢地主打海外同網絡市場,再利用個人化模式,製作獨一無二手錶作生招牌。不過情況反而不如預期。「東南亞網購未算發達;加上電競市場急速崛起;另外喺劍橋分析(Cambridge Analytica)盜取Facebook個人資料事件爆發後,網絡宣傳難咗幾倍,加上香港個散播率特別慢,都係我地2014年冇預計過。」 雖然錶帶供應商依然叫佢地唔好再做,不過Quinn同另外兩位創辦人Charles同Jacky都認為,既然入咗鐘錶業呢個坑,不如擴展埋線下實體市場。佢地首創1對1手工錶體驗工作坊,咁啱興起一股本地手作、工藝潮,反而受到年輕人歡迎。工作坊嘅成功令三人都迷戀鐘錶工藝,甚至背負住「香港製造」嘅責任,錢同價值未必係最重要嘅事。 ・Quinn認為線上利潤較實體市場高,但佢地享受整錶同埋溝通,係咪賺大錢未必係最重要嘅事。 講原創但俾人抄橋點算? 時下創業,好多嘢都講原創、DIY,但要做到百分百原創,似乎又唔係想像咁易。Jacky坦言品牌創業一年後,已經發現內地展銷會出現疑似抄襲品牌。「不論風格、錶款、網站設計,點會咁啱又係三個人,甚至連創辦故事都幾乎一模一樣。」儘管佢認為完全抄襲唔道德,但事實根本就冇得避,與其係咁不如做好自己品牌。「以前大學教授講過,外面有好嘅Idea但你唔借嚟用係你唔啱,關鍵係有冇將個概念Value-add,有競爭一定會有得益。」Quinn覺得EONIQ擁有SEO排首名的優勢,就算多咗客人要訂製手錶,上網搵資料或者格價時都會搵到佢地,觸及率高咗反而對佢地嚟講係好事。 ・主力產品設計嘅Jacky覺得抄襲無法避免,與其糾纏不如發掘更多方向發展。 眾籌創業要計清楚「CAC」 EONIQ創業時喺網上集資近百萬港元,第一批資金主要用作買貨及海外宣傳之用,但Quinn指「再一次」唔幸運,俾咗十萬搵美國PR公司幫手宣傳,但美國唔會保證會有幾多媒體報導,結果臨出街就俾特朗普嘅新聞蓋過,十萬港幣倒哂落海。結果三個人要重新計算搵一個新客人所花費嘅成本,亦即係Customer Acquisition Cost。「我地計過CAC佔成本30%係最適合,計埋入貨、租金、人工等等,扣扣埋埋可能得返10%利潤,隨時有意外要變負數虧蝕,所以要學習點樣網上營銷,點樣落廣告宣傳搵啱嘅市場。」畢竟鐘錶唔係日用品,Quinn認為搵到有能力回頭嘅客人,或者靠佢地推介出去,先係令公司長久經營下去嘅關鍵。 ・Charles坦言全自訂手錶可以有幾百萬個可能性,冇Plugin可以用就唯有靠自己摸索。 打著香港品牌旗號,遇上手工藝潮流,似乎一切都係喺最啱時間做最啱嘅事,但背後都遇過死Server、宣傳完無效等挫折。Charles勸勉新晉創業家唔好怕錯,試完出錯可能會啟發到新嘢,未必係壞事;Jacky就覺得參考唔同成功例子,再加入自家元素,創造新嘅風格同品牌,咁樣創業初期嘅時間同經濟壓力,都會比完全由零開始有效得多。 ・經歷過社運、疫情依然保持業績,三人都覺得關鍵就係要夠投入同了解市場狀況。

【用Big Data營商】細看JOOX年度用戶數據 其他公司怎樣利用數據作Marketing?

每次一到年底,不同平台都會有年度回顧,分享一些用戶習慣、大數據等資料。早前YouTube公佈了香港年度十大影片,今次輪到音樂串流平台JOOX公佈數據,你又有沒有聽過這些歌手的歌?今次小編除了為大家細數各大有趣數據外,更會教導大家怎樣利用這些數據建立營銷策略,吸引最多目標顧客。 ‧JOOX公佈年度回顧中,有不少有趣大數據資料。 JOOX在12月中公佈用戶數據和使用習慣,最多人收聽男、女歌手分別為陳奕迅、容祖兒;最多人收聽歌曲有《我們萬歲》(陳奕迅主唱)、《空手而來》(張敬軒主唱)等等,結果絕不意外,小編身邊不少朋友都有份創造這個結果。不過讓小編在意的是用戶收聽習慣,因為它包含很多有趣數據,下面羅列幾個要點: 香港人聽歌高峰為早上8點-9點及黃昏6點至7點; 舊歌在星期四特別受歡迎,和「Throwback Thursday」吻合; 《寂寞就如》(麥浚龍主唱)、《其實寂寞》(謝安琪主唱)在深放播放次數最多; 平均一首歌為三分鐘,JOOX用戶總播放時間足以環繞地球九百萬次 星期日最少人聽歌 最高播放時間用戶,平均每日10小時使用App聽歌 ‧每日聽十小時以上歌曲,應在上班時間不斷聽歌? 大家可以怎樣利用這些數據,推銷自家業務吸取客人?要有成功Marketing,最基本必需知道公司強項、目標顧客群、用戶習慣和喜好。當中可以分成四大手法,絕對缺一不可的呢! ‧電子平台競爭很大,Marketing花費佔開發成本愈來愈大。 品牌定位:要知道產品針對大眾,抑或某Segment。根據以上結果,若是前者的話可以針對不同日子推出某些「歌單」,如星期四推出《中學年代K場必唱歌單》、晚上推出《一個人歌單》等等,歌單內加插一些人氣略低的歌曲,吸引更多人收聽之餘,還可以提高部份歌手知名度。 時機重要性:若公司業務以手機平台為主,平日早上黃昏時間推出廣告,接觸率必定比星期日早上多;避免在星期日早上搞活動。若公司專注某一業務,不妨在黃金時間推出多點同類型宣傳,例如演唱會、歌手推薦歌單,增加平台專業度和用戶印象。 「抽水」是必要?:隨著網絡世界潮流速度愈來愈快,討論速度可能只有幾日甚至更短。公司能夠立刻找到「抽水」位配合產品,很易會吸引極大量觀眾和建立形象。不過要小心抽中火水,免生公關災難,這就是經驗之談。 視覺體驗:Marketing從來都是用錢換效果,上乘的可以事半功倍;差勁的會從此一沉不起。正如音樂串流平台不一定只播音樂,可多推出音樂周邊服務,如直播音樂會、銷售耳機甚至開餐廳、聽夠某個時數會送禮品等等。都是那句:「Budget都係咁多,睇你點將佢滾大。」‧除非有絕對市場佔有率,公司不可再單靠一種業務,視覺體驗將是Marketing重要一環。 總括而言,就算公司業務並非音樂串流,但若客源和市場相近,行業未必相同,但這些大數據仍然非常有用。接下來十年Digital Marketing重要性只會有增無減,隨著市場競爭愈來愈大,加上顧客轉變彈性不大的話,提早作出針對性定位宣傳,對經營成本、回報也一定有莫大幫助。

Latest news

- Advertisement -spot_img