27.4 C
Hong Kong
- Advertisement -spot_img

TAG

鐘錶

【商業冷知識】手錶廣告指針都是指向10:10?3大原因破解鐘錶圈潛規則!

相信大家都看過手錶品牌的商業廣告,當中的手錶面盤時間,多數都會停在10點10分,就連智慧型手錶也不例外!驟眼看似乎覺得沒有甚麼特別,不過大家又有沒有想過是甚麼原因造成這個鐘錶界中不成文的規定?以下就為大家整理一些有關把指針設成10點10分的理由!

【蘋果發佈會】Apple Watch出貨量打贏瑞士鐘錶!為何智能手錶將成未來發展重點?

一直以來,新iPhone都係蘋果公司(Apple)發佈會焦點,今次就由智慧手錶Apple Watch Series 6 成為主角。自蘋果公司2014年9月推出Apple Watch以來,一直都是被視作配件。如今終於從「iPhone配件」,正式成為推動蘋果公司業績向上的重要產品。到底為何蘋果計劃大推Apple Watch? 1.擴大Apple產品用家層面 根據《CNBC》報導,蘋果打算讓Apple Watch真正成為使用者手腕上可以獨立運作的裝置,因此配合Apple Watch Series 6 ,推出名為「Family Setup」功能,面向小孩及長者,用者就算沒有iPhone,也能用Apple Watch和家人打電話、傳訊息和分享定位,進行溝通。例如當孩子抵達特定地點,就可以利用位置通知功能告知父母,而「在校時間」(Schooltime)功能,讓小朋友在指定時間,例如上課及做功課時無法使用。蘋果COO Jeff Williams認為,這些新功能可以讓Apple Watch觸及更多用戶,吸引希望體驗蘋果產品的消費者。而當Apple Watch成為其人生第一項蘋果產品,能夠培養消費者對品牌忠誠度,長大後就會繼續購買更多商品和服務,形成一種持續消費力量。   2.配合疫情宣傳健康管理 《彭博》指出,這次Apple Watch Series 6一大賣點,就是全新血氧濃度測量功能,經演算法計算及分析,15秒內就能完成整個測量。為提升產品的心臟健康監控功能,蘋果在2019年更聘請心臟病專家加入團隊。近年人們對個人健康管理意識提高,催生了穿戴裝置商機,尤其是具健康追蹤功能的智慧手錶。而蘋果新手錶功能,正正配合新冠肺炎疫情爆發後,人們更加關心自身健康需求。根據研究機構Stategy Analytics數據顯示,和手機等其他消費電子裝置需求下降況截然不同,今年第1季全球智慧手錶出貨量年增20.2%至1,370萬隻,且其中Apple Watch佔據近6成市場,穩坐智慧錶市場龍頭地位。有分析指蘋果看中此趨勢,所以才讓Apple Watch獨立於iPhone,並加以發展。 例如蘋果就與新加坡政府合作,提出獎勵計劃,國民若用Apple...

【夕陽行業】本地鐘錶業依然有好大商機? 「轉個方法同夠享受就可以做好品牌!」 – 專訪EONIQ創辦人

https://youtu.be/SmXdHQAsBNA 「勞力是無止境」這句寫得好中,想做自己有興趣嘅嘢的確唔易。現時本地創業難,投身夕陽行業創業更難,偏偏有人肯冒這麼大風險,幾年前進軍鐘錶業。EONIQ創辦人之一Quinn Lai坦言唔易,但本地鐘錶曾喺全世界享負盛名,應該俾更多香港人體驗呢門精密工藝。創業之路經歷社運、經濟不穩、疫情,好多公司面臨委縮甚至結業,但Quinn無氣餒,反而認為有危就有機。「呢度做唔到咪轉個方法做,例如整手工錶可以擴闊本地市場,其實一定係有得做。」今次就同大家一齊整錶,了解佢地嘅營商心得。 ・EONIQ首創1對1手工錶體驗工作坊,配件、Logo甚至錶針都可以完全自訂。 網購量不如預期 轉打Offline市場 近年冒起唔少主打年輕人嘅鐘錶品牌,由EONIQ產品以美金訂價已經知道,佢地主打海外同網絡市場,再利用個人化模式,製作獨一無二手錶作生招牌。不過情況反而不如預期。「東南亞網購未算發達;加上電競市場急速崛起;另外喺劍橋分析(Cambridge Analytica)盜取Facebook個人資料事件爆發後,網絡宣傳難咗幾倍,加上香港個散播率特別慢,都係我地2014年冇預計過。」 雖然錶帶供應商依然叫佢地唔好再做,不過Quinn同另外兩位創辦人Charles同Jacky都認為,既然入咗鐘錶業呢個坑,不如擴展埋線下實體市場。佢地首創1對1手工錶體驗工作坊,咁啱興起一股本地手作、工藝潮,反而受到年輕人歡迎。工作坊嘅成功令三人都迷戀鐘錶工藝,甚至背負住「香港製造」嘅責任,錢同價值未必係最重要嘅事。 ・Quinn認為線上利潤較實體市場高,但佢地享受整錶同埋溝通,係咪賺大錢未必係最重要嘅事。 講原創但俾人抄橋點算? 時下創業,好多嘢都講原創、DIY,但要做到百分百原創,似乎又唔係想像咁易。Jacky坦言品牌創業一年後,已經發現內地展銷會出現疑似抄襲品牌。「不論風格、錶款、網站設計,點會咁啱又係三個人,甚至連創辦故事都幾乎一模一樣。」儘管佢認為完全抄襲唔道德,但事實根本就冇得避,與其係咁不如做好自己品牌。「以前大學教授講過,外面有好嘅Idea但你唔借嚟用係你唔啱,關鍵係有冇將個概念Value-add,有競爭一定會有得益。」Quinn覺得EONIQ擁有SEO排首名的優勢,就算多咗客人要訂製手錶,上網搵資料或者格價時都會搵到佢地,觸及率高咗反而對佢地嚟講係好事。 ・主力產品設計嘅Jacky覺得抄襲無法避免,與其糾纏不如發掘更多方向發展。 眾籌創業要計清楚「CAC」 EONIQ創業時喺網上集資近百萬港元,第一批資金主要用作買貨及海外宣傳之用,但Quinn指「再一次」唔幸運,俾咗十萬搵美國PR公司幫手宣傳,但美國唔會保證會有幾多媒體報導,結果臨出街就俾特朗普嘅新聞蓋過,十萬港幣倒哂落海。結果三個人要重新計算搵一個新客人所花費嘅成本,亦即係Customer Acquisition Cost。「我地計過CAC佔成本30%係最適合,計埋入貨、租金、人工等等,扣扣埋埋可能得返10%利潤,隨時有意外要變負數虧蝕,所以要學習點樣網上營銷,點樣落廣告宣傳搵啱嘅市場。」畢竟鐘錶唔係日用品,Quinn認為搵到有能力回頭嘅客人,或者靠佢地推介出去,先係令公司長久經營下去嘅關鍵。 ・Charles坦言全自訂手錶可以有幾百萬個可能性,冇Plugin可以用就唯有靠自己摸索。 打著香港品牌旗號,遇上手工藝潮流,似乎一切都係喺最啱時間做最啱嘅事,但背後都遇過死Server、宣傳完無效等挫折。Charles勸勉新晉創業家唔好怕錯,試完出錯可能會啟發到新嘢,未必係壞事;Jacky就覺得參考唔同成功例子,再加入自家元素,創造新嘅風格同品牌,咁樣創業初期嘅時間同經濟壓力,都會比完全由零開始有效得多。 ・經歷過社運、疫情依然保持業績,三人都覺得關鍵就係要夠投入同了解市場狀況。

Latest news

- Advertisement -spot_img