21 C
Hong Kong

Related tags

Latest

Latest

Latest

More From Hit Consultant Media

【修身養性】以瑜伽塑造體態沉澱心神 達至身心融和的平衡之境──專訪TriAngel Yoga 創辦人Toby Siu

打工仔朝九晚五,日忙夜忙,無暇運動,加上長期在電腦前工作,身體及精神狀態每況愈下,不但出現肩頸膊痛等痛症問題,亦容易感到疲累。因此,許多人會選擇以運動的方式釋放身心壓力。近年掀起一陣瑜伽熱潮,由於其所需裝備要求及門檻相對其他運動低,成為不少都市人的運動首選。資深瑜伽導師Toby Siu當初同樣因健康緣故而練習瑜伽,卻一試傾心,從此與瑜伽結下不解之緣。練習瑜伽後不但令她自信心大增,變得更開朗積極,遇到壓力時亦能坦然面對,於是決志將瑜伽發揚光大,並在2017年創立了TriAngel Yoga,現於香港已有4間分館及1間專業導師培訓學院,為大眾提供優質的瑜伽課程,致力推廣瑜伽的益處,讓不同人士都能享受瑜伽的樂趣。

【驕人身段】星級瑜伽達人做生招牌開班拍片 Fit爆媽咪盡顯「健與美」-專訪林芊妤Coffee Lam

https://youtu.be/ar1-arlzGbs 減肥係女人嘅終身事業,講就容易,點樣做先有效都係一大學問。近年瑜伽瘦身深受大眾歡迎,一提到瑜伽就自然諗起林芊妤(Coffee),除咗擁有人皆羡之嘅完美身形,佢亦經常喺Youtube同Instagram教人做瑜伽同分享keep fit、湊B心得。究竟呢位炙手可熱嘅瑜珈導師,點樣一步步得到大家喜愛及認同呢?對佢嚟講,一切都係「經驗」。 瘦就係靚已經Out啦! 以往香港社會一向流行「瘦先至靚」風氣,不過Coffee認為唔少女士嘅心態上已經轉變,傾向追求健康自然美。「好多女仔用唔同方法節食,覺得變到一條柴咁先覺得好。但近呢幾年運動風氣好好,大家都係想追求健與美。」時下女性興做瑜伽,減肥操肌之餘,又可紓緩壓力同保持心境開朗。「由3歲到80歲,瑜珈都係拉筋同保健。慢慢甚至可以放鬆心情,舒援工作疲勞和壓力,改善精神和心情。。」 ‧瑜伽無分年紀,反而愈少運動和筋硬嘅人更應該做,幫身體拉筋。 星級導師的堅持 Coffee教學課程非常受歡迎,有不少名人紅星都會跟佢上堂。市場需求咁大,全因有自信同用心教學,注重安全。「我係一個好注意安全嘅老師,希望教佢地正確瑜伽知識,以後無論喺出面參加Group Class,定係上網睇片跟住做都唔會整親。另一方面我會不停push佢地進步,希望佢地學完之後繼續練習,唔會擺低一排之後打回原形。」Coffee希望透過自己努力,感染他人。 問到Coffee覺得教學經驗定沙紙重要,佢坦言經驗比資格更重要,最重要係教學時有自信。「我上堂個陣要考齊牌照同訓練足夠,所以教學生時好有信心,好似中醫睇症咁,即刻知道佢身體有咩毛病。但坊間將上課同訓練時間縮短,就算考到個牌都冇信心落場,所以經驗比資格更重要。」從教學中,Coffee得到前所未有嘅滿足感。「有個學生上完堂,同我講背部同膝蓋疼症改善左,我覺得好開心,因為健康永遠都比身形外表更重要。」 女士共同目標:瘦身、瘦腰、瘦大腿 每個女生都渴望擁有「零贅肉」完美身形,Coffee深明觀眾需要,就係要夠快、有效,所以拍片主攻大家感興趣嘅題目,現時YouTube Channel已經有接近80萬人訂閱。「香港人鍾意目標為本,瘦身、小蠁腰、瘦大腿、瘦手臂都係好受歡迎嘅關鍵字,再加埋『速成』、『快速見效』呢啲字眼,好多女仔就會睇住嚟練習。」Coffee一般會喺星期六下午兩點左右出片,另外亦會喺Instagram上開live,一邊教大家做運動,一邊同粉絲傾下計,keep住曝光率。「其實有好多人問我點解拍片教人咁蝕底,冇收錢架喎!其實我從來都冇諗過呢樣嘢,因為一開頭純粹想將我識嘅嘢同人分享,呢件係一件好好嘅事,有咁多Followers同subscribers係錦上添花,都要多謝大家支持。」 ‧Coffee認為教學經驗較重要,因為一睇學員就知道身體有咩毛病,從而針對改善問題。 ‧Coffee YouTube頻道有近80萬訂閱者,深明女士們追求嘅關鍵。 事業型變成家庭優先 Coffee今年忙於照顧啱啱出世嘅小朋友,雖然仍會出Post拍片,但要調整工作同生活模式。「最大犧牲當然係自己嘅睡眠時間,優先照顧小朋友;而拍片時就可能突然聽到小朋友喊或者爬入嚟鏡頭,會用多咗時間,係辛苦咗但都開心嘅。」 或者有人會認為Coffee未夠完美,網絡平台有時也會有人批評或提出各樣意見,但Coffee面對壓力時,仍保持源源不絕嘅正能量。「好多時都係自己鑽牛角尖,我會調節自己諗法,如果唔係有心做錯,其實毋須太擔心。冇人係完美,要學識面對真實嘅自己,唔好將自己睇得太高。」Coffee認為要取得成功,就要忍受人生挫折。「人生從來唔會一帆風順,但每個逆境都係我地學習嘅好機會。」瑜伽唔只為Coffee帶嚟完美身段,更磨練出堅強意志心態,俾她睇得更多,走得更遠。 ‧Coffee認為唔好將自己睇得太高,要學識面對真實嘅自己,並且從逆境學習。  

ADVERTISMENT