健身

https://youtu.be/IfgGSFnPYno 近年美式英雄片中，不少主角擁有完美身型、強大臂彎，甚至人見人愛的朱古力腹肌，一身完美body確實令不少人羡慕，更願意灑下努力的汗水操練，希望獲得大家稱讚。現時很多人會上網學健身，一上YouTube搜尋就會見到PaulGor (黃耀洪) 蹤影，原來他除了在YouTube拍教學片外，還在數年前創辦PT Pro Fitness。進入健身房前，他做過保險、壽司師傅、整車師傅等等，變成今日擁有無敵身材，並在網上擁有不少Fans的健身教練，究竟「鋼鐵是怎樣煉成的」？ ●Paul指健身反而是追求當中的感覺。「操完背肌第二日訓醒，我老婆講：『我個背好痛呀.......但個感覺好正呀！』肌肉撕裂嘅感覺，證明訓練有效。」 Paul在2014年與歌手譚杏藍（小花）及另外一位朋友合資，在觀塘開設健身中心PT Pro Fitness，初嘗創業滋味，希望將自身健美經驗及心得分享予其他人。「自己鍾意做gym，一做就做咗十幾年，慢慢聚集咗班志同道合嘅人，令我開始想有個固定地方，可以俾唔同人交流，分享自己健身心得俾更多人。」香港現時有不同規模的健身中心，競爭激烈，而且質素各有不同，要突圍實屬不易。「好彩借助小花自己嘅人氣幫助宣傳，再加埋自己嘅頻道，俾人知道自己正職係健身教練，令到多啲人認識PT Pro。」觀塘店開業四年後，2018年2月更在銅鑼灣開了第二間分店。 觀眾最想要「人魚線」？ 一講起PaulGor，大家會想起他教Tabata，在YouTube更有廿多萬Views，不過他坦言最初拍攝健身教學影片也有困難。「當時比較少香港教練拍片，不過朋友鼓勵下，就膽粗粗試下拍，但得一部機一支腳架，又想拍到好專業。後嚟小花同我講，拍攝手法唔需要好專業，只要內容『Back to basic』同埋正確動作就得。因為太專業的話，但觀眾唔認同你，啲留言會令你好hurt。」究竟怎樣才可以成為「健身界KOL」？Paul覺得要捉到人群心理，多拍他們感興趣的題目。「最多人留意嘅關鍵字係『人魚線』，十個人當中有十一個人都想聽到呢三個字，咁條片就會好多點擊率！因為大家都想要人魚線、腹肌嘛。」雖然Paul近年拍片量減產，但仍會定期在專頁分享運動、飲食知識，貼文也時常能看到學生健身成果，吸引一群熱愛健身的粉絲追蹤。與健身及運動相關問題，Paul同樣有問必答，非常熱心。 將國際性健身比賽引進香港 Paul在2018年4月報名參加台灣WNBF自然健美比賽，並獲得季軍。他非常欣賞這個比賽理念，就是「公平」。「比賽選手都係全天然，唔食藥唔打針，佢地仲會嚴格執行測謊同藥檢，務求令比賽公平公正公開。」Paul希望將這種公平理念引進香港，幾經交涉終成功與世界WNBF簽約，正式將WNBF引進香港。「我地計劃喺出年年中，喺香港舉行第一次呢個自然健美比賽。」 最大難關是不敢面對自己 受傷，往往是運動員最大敵人。2018年間，傷患就令Paul無法操練上半身，使他陷入人生低潮，一度反思自己應否繼續從事健身行業。「我頸椎受傷，只能練下半身。好憎見到自己，天氣熱時連衫都唔想除，著長袖衫遮住。」後來他終於想通，成功走出負面深淵。「受傷係健身一個必經過程，其實人生中冇野係唔得，冇野係冇可能嘅。」克服傷患後，Paul已於今年1月1日重新出發，並已經參加幾個比賽。曾從事保險、整車到加入健身業近廿年並開店，Paul領悟到健身已非單純為消閒或炫耀，而是一種自我價值的肯定。「我每日平均做五個鐘Gym，但唔好規限自己，勇敢跳出框架同障礙，就會做到好多自己意想唔到嘅事。」PaulGor堅信凡事抱着願意突破潛能的心態，便可衝破任何框架與障礙，健身是，做人也是。 ●PaulGor的YouTube頻道擁有超過七萬Fans，他指「人魚線」是最受觀眾歡迎。（YouTube截圖） ●Paul在今年初走出傷患深淵，認為勇敢跳出框架同障礙就會成功。 ● 早前Paul成功與WNBF世界自然健美協會簽約，正式將WNBF比賽引進香港。（WNBF官方Instagram）