24.4 C
Hong Kong
致勝之道【家的味道】從娛樂圈轉戰商界創業親力親為 自研即食湯包堅持新鮮足料無味精 「飲即食湯都可以飲得好健康!」-專訪「靚湯Souper」創辦人胡家惠(Cathy)

【家的味道】從娛樂圈轉戰商界創業親力親為 自研即食湯包堅持新鮮足料無味精 「飲即食湯都可以飲得好健康!」-專訪「靚湯Souper」創辦人胡家惠(Cathy)

在這個抗疫非常時期,一眾香港人特別注意身體健康,在飲食上會選擇以湯水滋補身體,提升免疫力。不過身處繁忙都市,每件事都講求快捷方便,要花時間上網尋找湯水配方,再自行拼湊材料,過程實在麻煩。2002年港姐季軍胡家惠(Cathy)曾涉足不同行業,而本身「無湯不歡」的她,深明住家湯水對養生的重要性,在2018年創立自家即食湯包品牌「靚湯Souper」,主打「新鮮足料、健康、無添加」,及「一啖喚醒媽媽的味道」,用心烹調出3款矜貴養生療效燉湯和5款經典輕食健康養生湯,加上推廣配合,在疫情之下仍然可以將生產經營得有聲有色,更獲得「大灣區傑出青年女企業家獎」獎項。究竟Cathy是怎樣炮製即食湯包,令味道足以媲美媽媽親手煲的老火湯?就等她跟大家親身分享一下箇中的成功秘訣啦!
無心插柳發展成自家生意
「靚湯Souper」生意逆市突圍,早前更擴充搬office。品牌業務如此成功,Cathy表示當初研發即食湯包,純粹是為了捐贈一包包新鮮足料的湯包給獨居長者,希望為長者帶來飽肚感及豐富營養。「 嗰時靠好朋友幫手小量生產,主要係做嚟捐贈,後來越捐越多,夾夾埋埋差唔多用咗五十幾萬。」單靠捐當然不能維持生計,所以甚有生意頭腦的Cathy就在朋友鼓勵下,開始將愛心湯包正式發展成一盤生意持續經營。 

●Cathy希望以「媽媽的一碗湯」帶來家的感覺,實行人人歎靚湯!

落足心機研製健康靚湯

不少人會將即食食品與不健康劃上等號,更怕當中會加入防腐劑。靚湯產品主打真材實料,做到低鹽、低糖、低卡路里,更有SGS營養標籤認證,讓消費者清楚了解及全面掌握食品中的營養成分資訊。「市民角度就係『即食等於唔健康』,預咗有味精、冇材料,所以我就畀啲驚喜你,話比大家知飲即食湯都可以飲得好健康。」「靚湯Souper」現時共有8款即食湯包全部都是Cathy自己研發調配。為了做到不加味精,單靠食材本身釋放其營養價值及鮮味,單是「雪耳木瓜燉雞腳湯」這款湯Cathy就做足9個版本。「有啲木瓜經唔起煲嘅過程,當中嘅甜度就揮發咗,試驗後先發現只有夏威夷木瓜甜度最適中。」

●以上3款矜貴養生療效燉湯,全部都是Cathy研製及調配出的獨家味道,締造令人一啖入魂的滋味養生體驗。

●椰皇花膠燉雞湯是「靚湯Souper」人氣之選,皆因Cathy特意選用澳洲花膠,配搭原隻雞脾肉,更用了泰國椰皇作基調,只需加熱5分鐘,就可以品嚐到啖啖花膠、骨膠原精華,以及濃郁椰香味,非常適合忙碌都市人。

特製包裝保留食物原味
除要不斷試驗尋找到最適合的食材外,Cathy亦花費不少心力在構思包裝上,彰顯品牌對保留食物原味之用心。經過一番鑽研,Cathy最終選用歐盟專業四層袋,並採取125度高溫殺菌抽真空技術,令產品不會滋生細菌,這樣不需使用防腐劑,都可以在常溫保存超過至少一年,更毋須冷藏。「呢個做法可以有效保存食物,無論係味道定係營養,甚至乎係顏色都可以keep到,感覺就好似用新鮮食材、啱啱煲起嗰種老火湯味道咁。」湯包採用頂級包裝物料及專業製作技術,優點多多,成本就自然高。不過為堅持「健康行先的理念及產品質量,Cathy認為一切都是值得。

只要預先煲一煲滾水,然後將整個鋁箔袋放進滾水中,加熱5分鐘後就可以撕開鋁袋將湯倒出來,整碗湯如同媽媽剛用了3個多小時煲出來的老火湯味道一模一樣。

疫下轉戰線上增加名氣
即使產品好味又健康,市面上早而不乏各式即食湯包、湯料或外賣湯水,而在經濟已經低迷時期,品牌經營更是特別困難,不過「靚湯Souper」生意額在疫情下依然大幅增長,Cathy認為將營銷重心轉至線上是重要關鍵。「網上購物喺全球嚟講係一個新嘅消費模式,加上疫情之下啲人出唔到街,對即食食品有很大需求銷量一定比之前有好多增長。」加上品牌對準消費者追求健康的需求,再配合各種網上推廣,務求面向不同客群,從而增加品牌知名度。

由港姐變身女強人
當選港姐季軍後,Cathy除了從事娛樂圈工作之外、亦曾經創辦過公關公司及美容院、更擔任上市公司執行董事一職。從娛樂圈到從商,到創立自己的個人品牌,Cathy 堅持事事親力親為,日日做足16小時亦感到很滿足,因為所努力的一切都有幸獲得社會各界人士的認同及支持。問及這位新時代女性做生意的秘訣, Cathy表示對她來說,她的座右銘及經營之道就是:「抱最好的希望,作最壞的打算。」人生就是這樣,不知道一切是否能如願,只要抱着最好的希望和作最壞的打算,不管經歷任何高山低谷,我們都能笑着面對。

更多文章